«Wichita Lineman» er ein song skriven av den USA-amerikanske låtskrivaren Jimmy Webb i 1968. Han vart først spelt inn av den amerikanske countryartist Glen Campbell og sidan blitt spelt inn av mange andre artistar. Versjonen til Campbell, som først kom ut på albumet med same namn frå 1968, nådde tredjeplassen på poplista i USA og låg inne på Topp 100 i 15 veker. I tillegg låg songen to veker på toppen av den amerikanske country-lista og seks veker på toppen av adult contemporary-lista. Han selde til gullplate i USA i januar 1969. Songen nådde sjuandeplassen i Storbritannia. I Canada toppa singelen både RPM-lista og country-lista.The RPM 100, Library and Archives Canada, 16. desember 1968RPM Country Chart, Library and Archives Canada, 13. januar 1969
I 2004 rangerte Rolling Stone songen på 192. plass på lista si over dei 500 beste songane gjennom tidene. Han er blitt kalla «den første eksistensielle countrysongen».Dylan Jones: If You Ask Me Den britiske musikkjournalisten Stuart Maconie kalla songen «den beste popsongen som nokon gong er skriven»; og BBC kalla han «ein av dei sjeldne songane som ser ut til å leve i si eiga verd – ikkje berre tidlaus, men til sjuande og sist utafor moderne musikk».
Bakgrunn og innhald Jimmy Webb fekk inspirasjon til å skrive teksten då han køyrte gjennom Washita County på landsbygda sørvest i Oklahoma. På den tida var telefonselskapa eigd av fylket og reparatørane var fylkestilsette. På veg vestover langs ein bein veg inn i solnedgangen, køyrte Webb forbi det som såg ut som ei endelaus linje av telefonstolpar. Så såg han langt borte silhuetten av ein einsam reparatør i toppen av ein stolpe. Han skildra «bilete på einsemd». Webb sette så «seg sjølv på toppen av stolpen og sette telfonen i handa på seg sjølv» medan han lurte på kva reparatøren sa til personen i andre enden. Glen Campbell sa vidare til Dallas Observer at Webb skreiv songen om det første kjærleiksforholdet med ei kvinne som gifta seg med ein annan.
Den faktiske songteksten nemner namnet «Wichita» i staden for Washita. Campbell sa det var fordi «Wichita kling betre.» Musikarane på innspelinga var Campbell, Al Casey og James Burton (gitar), Carol Kaye (bass), Jim Gordon (trommer) og Al De Lory (piano). Orkesterarrangementet vart gjort av De Lory.
Teksten skildrar einsemda som ein linjereparatør føler når han arbeider og lengtar etter kjærasten sin.
Uttrykket «singing in the wire» kan syne til hylinga ein kan høyre når vinden bles gjennom telefonlinjer. Det kan samstundes syne til lydane repartøren høyrer når han lyttar på telefonlinja.What to do if you hear radio communications on your telephone, Missouri Public Service Commission Orkesterarrangementet med fiolinar og klaverinstrument etterliknar desse lydane og høyres ut som ein morsekode, og teksten «I can hear you through the whine» syner vidare til desse lydane.
Andre versjonar Mange smørsongarar, Tom Jones, Johnny Mathis, Robert Goulet, Andy Williams, Bobby Goldsboro og Englebert Humperdinck har spelt inn songen, dei fleste kort tid etter originalversjonen kom ut. Det var òg mange instrumentale versjonar, mellom anna av José Feliciano. Songen har òg blitt spelt av The Meters, Sergio Mendes & Brasil '66, Kool & The Gang, Urge Overkill, Freedy Johnston, Optiganally Yours, Shawn Lee, Scud Mountain Boys, Blueground Undergrass, James Taylor, R.E.M., The Clouds, Earl Van Dyke, King Harvest, Johnny Cash, Guns N Roses, Heaven 17 og Stray Dog.
Wade Hayes gav ut ein versjon i august 1997 som nådde 55. plassen på den countrylista i USA. Ein tyskspråkleg versjon vart spelt inn av Thomas Fritsch som «Der Draht in der Sonne».Discover the Original: Der Draht in der Sonne , coverinfo.de
Lister og sal
Lister Liste (1968-1969)PlasseringAustralia (Go-Set)15Canada (RPM)1Canada Country (RPM)1Irland (IRMA)12New Zealand (RIANZ)10Storbritannia (The Official Charts Company)7U.S. Billboard Hot Country1U.S. Billboard Hot 1003U.S. Billboard Hot Adult Contemporary Tracks1
Årslister Liste (1969)PlasseringCanada (RPM)17Storbritannia (The Official Charts Company)56
Kjelder
Denne artikkelen bygger på «Wichita Lineman» frå , den 24. januar 2015. oppgav desse kjeldene: The Billboard Book of Top 40 Hits, 6th Edition, 1996
Bakgrunnsstoff Rolling Stone 500 Greatest Songs of All Time: Wichita Lineman
Kategori:Songar frå 1968 Kategori:Singlar frå 1968 Kategori:Songar skrivne av Jimmy Webb Kategori:Glen Campbell-songar Kategori:Musikkvideoar regisserte av Steven Goldmann Kategori:Songar om USA Kategori:Countryballadar Kategori:Popballadar Kategori:Songar om telefonar Kategori:Wade Hayes-songar Kategori:Andy Williams-songar Kategori:Tom Jones-songar Kategori:Johnny Mathis-songar Kategori:Robert Goulet-songar Kategori:Bobby Goldsboro-songar Kategori:Engelbert Humperdinck-songar Kategori:José Feliciano-songar Kategori:The Meters-songar Kategori:Sérgio Mendes-songar Kategori:Kool & The Gang-songar Kategori:Urge Overkill-songar Kategori:James Taylor-songar Kategori:R.E.M.-songar Kategori:Johnny Cash-songar Kategori:The Troggs-songar 195