Terje Smevold () er ein tidlegare langrennsløpar frå Elverum.
Karriere Han slo seg gjennom som nasjonal toppløpar i 1990-sesongen, det vart også hans beste sesong. Under NM på Gjøvik vann han bronsen bakom gullvinnaren Kristen Skjeldal og Bjørn Dæhlie på sølvplassen. Seinare i sesongen kom han på 13. plass på 30 km jaktstart i Lahti, hans sterkaste prestasjon i verdscupen i langrenn. I sesongane som kom makta han ikkje å fylgje opp.
Smevold tevla i yngre år for Hernes Idrettslag, seinare for Bjerke Idrettslag og Nannestad Skiklubb. Saman med Øyvind Mobakken og Bjørn Dæhlie sikra han Nannestad gullmedaljen på NM-stafetten over 3 x 10 km i åra 1994, 1995 og 1996.
Medaljar og besteplasseringar i noregsmeisterskap Ski-NM 1990: Bronsemedalje på 30 km på Gjøvik Ski-NM 1993: Nr 8 på 10 km på Lillehammer Ski-NM 1994: Nr 7 på 30 km i Vegårshei, gull i stafett Ski-NM 1995: Nr 10 på 10 km i Oslo, gull i stafett Ski-NM 1996: Nr 10 på 30 km i Stryn, gull i stafett Ski-NM 1997: Ski-NM 1998: Nr 6 på 10 km i Alta
Han la opp i 2000.
Kjelder Sportsboken, aktuelle årgangar
Kategori:Norske langrennsløparar Kategori:Folk frå Elverum