Kristian Olai Rasmusson Sandnes () var ein norsk gardbrukar, fiskar og stortingsmann frå Syvde på Sunnmøre.
Sandnes var eldste son til bonden på bruket Sandnesvika på matrikkelgarden Sandnes i bygda Syvde på Søre Sunnmøre, og tok i si tid over farsgarden. Frå ung alder dreiv han også fiske på sunnmørskysten og var i 30 år styresmann på eigen båt.
Sandnes var med i Vanylven heradsstyre i over 25 år og ordførar i 10 år. Han var styremedlem i skogselskapet og landbruksselskapet i Romsdals amt, samt styrmedlem i den lokale sparebanken.
Valperioden 1910-12 representerte Sandnes einmannskrinsen Søndre Sunnmør på Stortinget, vald for Frisinna Venstre. Han vart vald i andre valomgang, med støtte frå fråhaldrørsla fekk han fleire røyster enn motkandidaten frå Venstre, Anders Vassbotn. På Tinget hadde Sandnes plass i Næringskomite nr 1.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1910-1912 Kategori:Folk frå Vanylven