Diane Julie Abbott () er eit britisk parlamentsmedlem for Det britiske arbeidarpartiet (Labour). Ho blei vald inn som parlementsmedlem for valkrinsen i 1987, og blei med det den første kvinna av afrikansk opphav (black på britisk engelsk) i det britiske underhuset.http://www.bbc.co.uk/programmes/b04vkhjc
Bakgrunn Abbott blei fødd i London av foreldre frå Jamaica. Far hennar var sveisar og mor hennar var sjukepleiar. Ho studerte historie ved Newnham College i Cambridge, med historikaren Simon Schama som rettleiar.
Yrkesliv Etter universitetet arbeidde ho ved det britiske innanriksdepartementet (Home Office) frå 1976 til 1978) og deretter for interesseorganisasjonen National Council for Civil Liberties frå 1978 til 1980. Frå 1980 til 1983 arbeidde ho som journalist ved Thames Television og frå 1983 til 1985 ved frukost-tv-selskapet TV-am. Ho arbeidde for pressekontoret til Greater London Council under Ken Livingstone frå 1985 til 1986 og var leiar for presse- og PR-kontoret til Lambeth Council i London frå 1986 til 1987.
Politikk Abbott blei vald inn i byrådet for Westminster i 1982, der ho sat fram til 1986. I 1985 prøvde ho å stilla som parlamentskandidat for Labour i Brent East, men Ken Livingstone blei nominert.Seumas Milne, «From the archive, 29 April 1985: Ken Livingstone wins fight for Brent East nomination», The Guardian, 29 April 2015. I 1987 blei ho vald inn i underhuset for Hackney North & Stoke Newington. Ho var den første kvinna av afro-karibisk opphav til å bli vald inn i underhuset.Huma Qureshi «Diane Abbott: 'You can't let racism hold you back'», The Guardian, 20 September 2012. Ho blei vald inn att i mai 2010 med stort fleirtal og auka valdeltaking. I 2015 blei ho igjen gjenvald med 62 % av røystene.
Diane Abbott har skild seg ut frå ein del av politikken til partiet sitt. Ho røysta imot Irak-krigenNaomi O'Leary, «Diane Abbott – ‘Cambridge was the making of me’» , The Cambridge Student, 1 May 2012. og har kjempa imot nasjonale ID-kort og fortsetjinga av det britiske kjernevåpenprogrammet (Trident).
I 2015 var ho ein av 36 parlamentsmedlemmer for Labour som nominerte Jeremy Corbyn til ny leiar for partiet.«Who nominated who for the 2015 Labour leadership election?» New Statesman, 15 June 2015. Etter at Corbyn blei vald til partileiar blei Abbott utnemnd til skuggeminister for utviklingshjelp (International Development). Etter at fleire skuggeministerar trekte seg frå stillingane sine i samband med ein ny partileiarkampanje, blei Abbott forfremja til skuggeminister for helse att i juni 2016. I oktober same året blei ho utnemnd til skugge-innanriksminister.
Abbott heldt ein parlamentstale om borgarrettar i debatten om som blei utnemnd til «Parliamentary Speech of the Year» av tidsskriftet The Spectator. Ho blei også rost ved Human Rights awards i 2008.
Kjelder
Denne artikkelen bygger på «Diane Abbott» frå , den 12. september 2016.
Bakgrunnsstoff
Kategori:Britiske parlamentsmedlemmer Kategori:Folk frå London Kategori:Britar av jamaicansk opphav