Fiskeridirektoratet er ein norsk statleg etat, oppretta i 1900 (endra namn i 1906), med ansvar for fiskeri- og havbruksforvaltning. Etaten er underlagd Nærings- og fiskeridepartementet og blir leia av fiskeridirektøren.
Kontor Fiskeridirektoratet ligg i Strandgaten 229 i Bergen og har regionkontor i Vadsø, Tromsø, Bodø, Trondheim, Ålesund, Måløy og Egersund. Lokale fiskerikontor finnes i Hammerfest, Båtsfjord, Havøysund, Honningsvåg, Kjøllefjord, Vardø, Finnsnes, Skjervøy, Brønnøysund, Leknes, Sandnessjøen, Sortland, Svolvær, Rørvik, Sistranda, Fosnavåg, Kristiansund, Bergen, Florø, Kopervik, Kristiansand og Fredrikstad.
Oppgåver Fiskeridirektoratet er rådgivande og utøvande organ innan fiskeriforvaltninga i Noreg. Hovudoppgåva til direktoratet er planmessig å arbeide for at norsk fiskeri- og havbruksnæring blir fremma og utviklar seg til beste for dei som arbeider i næringa og slik at fiskeressursane på lang sikt gjev eit optimalt utbytte.
Direktoratet deler ut konsesjonar og løyve til å drive fiske og fører fartøyregisteret og fiskermanntalet. Det lagar reguleringsforskrifter, overvakar utviklinga i fisket, fordeler kvoter og stoppar dei einskilde fiskeria når kvotene er oppfiska. Norske farty som fiskar i andre lands soner får lisensane sine av Fiskeridirektoratet. Direktoratet er involvert i kvoteforhandlingar med andre land og deltar i internasjonale prosessar i regi av mellom andre FN, OSPAR og regionale fiskeriorganisasjonar.
Kyst- og havbruksavdelinga har ansvaret for forvaltninga av akvakulturloven. Avdelinga har tilsyn med akvakulturnæringa. Kyst- og havbruksavdelinga er overordna styresmakt i spørsmål om arealplanlegging i kystsona.
Dei eldre delane av arkivet etter Fiskeridirektoratet, opp til rundt 1985, er avlevert til Statsarkivet i Bergen.
Organisering Direktoratet er organisert i sju regionar, men dette skal bli redusert til fem regionar:Ny regionstruktur i Fiskeridirektoratet
Region Nord med regionkontor i Tromsø Region Nordland med regionkontor i Bodø Region Midt med regionkontor i Ålesund Region Vest med regionkontor i Måløy Region Sør med regionkontor i Egersund
Historie Etter avgjerd frå Stortinget hadde Indredepartementet frå 1860 ansvar for «de praktisk-videnskabelige fiskeriundersøgelser vedkommende saltvandsfiskerierne». Desse vart leida av stipendiatane Jonas Axel Boeck som utgreidde silda fram til han døde i 1873, og Georg Ossian Sars som frå før hadde torskeansvaret, overtok silda fram til 1893, då Johan Hjort overtok. Etter Stortingsvedtak 25. april 1900 vart Norges Fiskeristyrelse oppretta i Bergen. Fiskeristyret hadde tre medlemmar. Formann var Gabriel Westergaard. Med seg hadde han Jens O. Dahl og Johan Hjort.
I 1902-03 måtte Fiskeristyrelse handtere «kvalstriden», der hundrevis av rasande fiskarar storma ein kvalstasjon i Mehamn; dei meinte kvalen jaga bort lodda.
Etter stortingsvedtak 18.mars 1906 fekk Fiskeridirektoratet status som direktorat frå 15. september same året. Leiinga gjekk over til ein direktør. Johan Hjort vart første fiskeridirektør i Noreg.
Han gav seg i 1916 etter usemje med regjeringa som hadde offentleggjort ein fiskeriavtale inngått med Storbritannia.
Fiskeridirektørar
1906–1916: Johan Hjort 1916 (kst.): Gisle Johnson 1918–1937: Sigurd K. Asserson 1938–1940: Hans Jacob Salvesen 1945–1948 (kst.): Ola Brynjelsen 1948–1973: Klaus Sunnanå 1973–1978: Knut Vartdal d.y. 1978–1988: Hallstein Rasmussen 1988–1996: Viggo J. Olsen 1996–2008: Peter Gullestad 2008–2020: Liv Holmefjord 2020–2021 (kst.): Per Sandberg 2021– : Frank Bakke-Jensen
Kjelder
Denne artikkelen bygger på «Fiskeridirektoratet i Noreg» frå , den 10. januar 2018.
Bakgrunnsstoff
Evaluering av Fiskeridirektoratet Difi-rapport 2015:1
Kategori:Norske fiskeriorganisasjonar Kategori:Norske statsetatar Kategori:Bergen kommune