Canberra er hovudstaden i Australia. Byen har om lag 352 000 innbyggjarar (2009) og er den sjuande største i landet. Han ligg i det føderale området Australian Capital Territory (ACT), midt mellom storbyane Sydney og Melbourne.
Canberra blei grunnlagd ved byrjinga av 1900-talet, då Australia blei samla til eitt land. Han er den einaste større byen i landet som ikkje ligg ved kysten, og har difor hatt mindre industri- og handelsutvikling enn andre byar.
Geografi thumb|left|Området kring Canberra frå satellitt.
Canberra har ei flatevidd på 814,3 km² og ligg tett ved Brindabella Ranges, kring 150 km frå austkysten av Australia. Størstedelen av byen ligg 580 meter over havet. Det høgaste punktet er Mount Majura på 888 meter. Andre høgdepunkt er Mount Taylor (855 meter), Mount Ainslie (843 meter), Mount Mugga Mugga (812 meter) og Black Mountain (812 meter).
Det opphavlege skogdekket i området kring Canberra var nesten berre eukalyptus. I byrjinga av 1960-åra blei den ophavlege skogen fella. Skokbruk hadde teke til i 1915, då ein byrja prøva ulike treslag, som Monterey-furu (Pinus radiata) i skråningane av Mount Stromlo. Sidan då har ein utvida planteområda. Skogdekket bidreg til å redusera erosjon i området, og skogane er også populære stader å vitja.
Canberra har eit relativt tørt temperert klima.
Byen er verna i vest av Brindabellas, som skjermar han for mykje regn. Canberra har gjennomsnittleg 100,4 solskinsdagar i året.
Kommunikasjon Byen har ein internasjonal flyplass, Canberra International Airport.
mini|venstre|Parlamentet i Canberra.
Ambassadar Utanlandske ambassadar i Australia ligg hovudsakleg i canberraforstadene Yarralumla, Deakin og O'Malley. Ambassadeområdet i Yarralumla er ein turistattraksjon fordi mange av bygga er laga i stilar frå landa dei representerer.
Universitet Canberra har to universitet, Australian National University og Canberra University, to religiøse høgskolar og fleire militærhøgskular.
Kjelder
Denne artikkelen bygger på «Canberra» frå , og «Canberra» frå den 17. mai 2006.
Bakgrunnsstoff
Kategori:Hovudstader i Oseania Kategori:Byar i Australia Kategori:Busetnader grunnlagde i 1913