Britta Margareta Marakatt-Labba () er ein svensk samisk tekstilkunstnar, målar og grafikar.
Britta Marakatt-Labba voks opp i ein søskenflokk på ni barn i ein rendriftsfamilie i Saarivuoma sameby. Ho gjekk på Sunderby folkhögskola 1971-73 før ho byrja på tekstillinja ved Konstindustriskolan i Göteborg i 1974. Her studerte ho under professor Elsa Agélii fram til 1978. Agélii hadde utvikla ein nyskapande stil med feministiske dagboksbroderier. Seinare gjekk Marakatt-Labba på Samisk høgskole i Kautokeino 1999–2002.
Marakatt-Labba arbeider helst innan broderi på tekstil, akvarell og litografi med motiv knytt til samisk kultur. Ho har illustrert ei stort mengd bøker og har i tillegg vore kostymedesignar og scenograf.
I samband med Alta-konflikten laga ho verket Kråkorna, som viser eit motiv der samiske sit-ned-aksjonistar vert fjerna med makt av kråker som gradvis endrar seg til politi. Ho var med og starta Masi-gruppa (Samisk Kunstnargruppe) i 1978, og var seinare med på å etablera den samiske kunstnarorganisasjonen Samisk kunstnarforbund i 1979.
I 2014 vart ho utnemnt til æresdoktor ved Det humanistiske fakultetet ved Umeå universitet.
Historja 2003–2007 er ein nesten 24 meter lang frise med motiv frå samisk kultur, inspirert av Bayeux-teppet i Frankrike. Verket som til vanleg heng i Teorifagbygget ved universitetet i Tromsø, vart vist på documenta 14 i Kassel 2017.
Prisar og utmerkingar
1993 – Anna Nordlander priset, 2000 – kulturstipendiet Rubus arcticus 2011 – Asa Kitok-stipendiet 2012 – John Savio-stipend frå Bildende Kunstneres Hjelpefond 2012 – Kauppistipendiet 2014 – Æresdoktor ved Umeå universitet 2015 – Per Ganneviks stipendium 2017 – John Savio-prisen 2024 – Neshornprisen
Offentleg utsmykking i utval
Historjá, broderi, 24 meter langt og 40 cm breitt, som skildrar den samiske historia og mytologien, 2003-07, Teorifagsbygget ved Universitetet i Tromsø.DN: Broderad historia från samernas land (2007-03-25) Kråkorna, broderi, Universitetet i Tromsø Motivet på den nye, nordsamiske bibelen som vert lansert august 2019.
Britta Marakatt-Labba er representert ved Röhsska museetRöhsska museet.
Bibliografi
Jan-Erik Lundström (redaktør): Broderade berättelser. Britta Marakatt-Labba, Koncentrat, Kiruna 2010, ISBN 978-91-633-7248-3
Kjelder
Denne artikkelen bygger på «Britta Marakatt-Labba» frå , den 23. august 2020.
Bakgrunnsstoff
Britta Marakatt-Labbas nettside Om Britta Marakatt-Labba på www.samar.sjå Monica Strandell: Mångkultur väster om odlingsgränsen, i Kulturvärden 2006:3 [daud lenkje]
Kategori:UiT Noregs arktiske universitet Kategori:Samiske kunstnarar Kategori:Svenske tekstilkunstnarar Kategori:Svenske kunstnarar