«I Can't Help It (If I'm Still in Love with You)» er ein song skriven og først spelt inn av Hank Williams for MGM Records. Han nådde andreplassen på Billboard countrysingellista i 1951. I sjølvbiografien sin skreiv George Jones dei første seks linjene av songen og sa: «Teksten kunne ikkje ha vore enklare - eller djupare.»
Innspeling og komposisjon I følgje Colin Escott-boka Hank Williams: The Biography frå 2004, hevda alltid felespelaren Jerry Rivers at Williams skreiv songen i turnébussen deira, og då han kom opp med opningslinja «Today I passed you on the street» og spurte om forslag til den neste linja, svarte steelgitaristen Don Helms «And I smelled your rotten feet.» Songen vart spelt inn i Castle Studio i Nashville den 16. mars 1951 og gjeven ut som MGM nr. 10961. Williams vart akkompagnert av medlemmer av bandet sitt, Drifting Cowboys, inkludert Rivers, Helms, Sammy Pruett (elektrisk gitar), Jack Shook (rytmegitar), Ernie Newton eller «Cedric Rainwater», òg kjend som Howard Watts (bass), og anten Owen Bradley eller produsenten Fred Rose på piano. Han vart gjeven ut som B-sida til «Howlin' at the Moon», men på grunn av den sterke og enkle teksten og den lidenskaplege synginga, nådde han likevel andreplassen på Billboard country-lista.
Williams song songen i lag med Anita Carter på Kate Smith Evening Hour den 23. april 1952. Den sjeldne fjernsynsframføringa er ein av få filmklipp der Williams framfører songane sine.
Kjende versjonar Mange artistar har spelt inn songen. Blant dei mest suksessrike er : Guy Mitchell som nådde 28. plassen på Billboard-lista med songen i 1951. Johnny Tillotson i 1962 som nådde 24. plassen på den amerikanske Billboard Hot 100-lista og åttandeplassen på Adult Contemporary-lista. Linda Ronstadt spelte inn songen i 1974 på albumet hennar Heart Like a Wheel og nådde andreplassen på den amerikanske countrylista.. Ho vart òg nominert til Grammyprisen for beste kvinnelege countrysong. Cat Power spelte inn songen i 1996 på albumet deira Myra Lee som «Still in Love».
Norsk versjon Ein norsk versjon vart skriven av Lars Børke og kalla «Kun en gylden ring med 3 små ømme ord». Denne vart spelt inn som ein duett av Lillian Askeland og «Ottar «Big Hand» Johansen» i 1976 på albumet Countryfest.
Svensk versjon Ein svensk versjon vart skriven av Bengt Sundström med tittelen «Kan jag hjälpa att jag älskar dig ännu» og spelt inn av Thorleifs i 1982.
Salslister Liste (1951)PlasseringU.S. Billboard Hot Country Singles2
Kjelder
Denne artikkelen bygger på «I Can't Help It (If I'm Still in Love with You)» frå , den 30. november 2020. oppgav desse kjeldene:
Kategori:Songar frå 1951 Kategori:Singlar frå 1951 Kategori:Singlar frå 1962 Kategori:Singlar frå 1974 Kategori:Hank Williams-songar Kategori:Songar skrivne av Hank Williams Kategori:Songar produserte av Fred Rose Kategori:MGM Records-singlar Kategori:Cadence Records-singlar Kategori:Capitol Records-singlar Kategori:Ray Price-songar Kategori:Johnny Cash-songar Kategori:Gene Vincent-songar Kategori:Ricky Nelson-songar Kategori:George Jones-songar Kategori:Ronnie Hawkins-songar Kategori:Tennessee Ernie Ford-songar Kategori:Patsy Cline-songar Kategori:Hank Williams jr.-songar Kategori:Eddy Arnold-songar Kategori:Del Shannon-songar Kategori:Skeeter Davis-songar Kategori:Roy Acuff-songar Kategori:Jack Greene-songar Kategori:Charlie Rich-songar Kategori:Burl Ives-songar Kategori:Webb Pierce-songar Kategori:Ernest Tubb-songar Kategori:Stonewall Jackson-songar Kategori:Jean Shepard-songar Kategori:Roy Orbison-songar Kategori:Conway Twitty-songar Kategori:Isaac Hayes-songar Kategori:Glen Campbell-songar Kategori:Boots Randolph-songar Kategori:Linda Ronstadt-songar Kategori:Lettermen-songar Kategori:Freddy Fender-songar Kategori:Charley Pride-songar Kategori:Roger Whittaker-songar Kategori:Don McLean-songar Kategori:Jerry Lee Lewis-songar Kategori:Elvis Presley-songar Kategori:Link Wray-songar Kategori:Willie Nelson-songar Kategori:Ronnie Milsap-songar Kategori:Floyd Cramer-songar Kategori:Charlie McCoy-songar