«Don't Know Much» er ein song skriven av Barry Mann, Cynthia Weil og Tom Snow. Den originale versjonen vart spelt inn av Barry Mann i 1980 og vart gjort kjend då han vart framført som ein duett av Linda Ronstadt og Aaron Neville i 1989. Versjonen deira vart ein stor suksess verda over og toppa den irske singellista og nådde topp 10 i mange land.
Historie Songen kom først ut på det sjølvoppkalla albumet til Barry i 1980. Bill Medley og Bette Midler (under tittelen «All I Need to Know») fekk så ein liten hit med songen i høvesvis 1981 og 1983.
I 1985 spelte Audrey Landers inn songen som «All I Need to Know» for det andre albumet hennar for den tyske marknaden, Paradise Generation. Glenn Jones spelte òg ein versjon av songen på det sjølvoppkalla albumet sitt frå 1987. Gospelsongaren Cynthia Clawson song ein versjon med denne tittelen i 1990 på albumet hennar Words Will Never Do.
I 2000 spelte Barry Mann inn songen på ny med Brenda Russell på albumet sitt Soul and Inspiration.
Linda Ronstadt- og Aaron Neville-versjonen Songen vart spelt inn av Linda Ronstadt på albumet hennar Cry Like a Rainstorm, Howl Like the Wind i 1989. Han vart introdusert for Ronstadt og Neville av Steve Tyrell. Innspelinga vart produsert av Tyrell og Peter Asher og gjeven ut på singel i USA i 1989. Der nådde han andreplassen på Billboard Hot 100 i desember 1989, bak Phil Collins sin «Another Day in Paradise», og han gjekk til topps på Hot Adult Contemporary Tracks-lista. Singelen vart den tiande topp 10-hitten hennar som selde til gullplate. I Storbritannia nådde songen andreplassen på UK Singles Chart. Songen gjekk òg til topps i Irland, nådde andreplassen i Australia, og topp 5 i Austerrike, Belgia, Canada, Nederland og New Zealand.
«Don't Know Much» vann Grammyprisen i 1990 for beste popsong av ein duo eller ei gruppe, og vart nominert til årets song.
Innhald
Medverkande Linda Ronstadt - vokal Aaron Neville - vokal Don Grolnick - piano Mike Landau - elektrisk gitar Lee Sklar - Bass Carlos Vega- trommer Michael Fisher - perkusjon Robbie Buchanan - klaverinstrument Skywalker Symphony Orchestra - arrangert og dirigert av David Campbell
Salslister
Vekeslister Liste (1989–1990)PlasseringEuropa (Eurochart Hot 100)10
Årslister Liste (1989)PlasseringUK Singles (Official Charts Company)23 Liste (1990)PlasseringAustralia (ARIA)12Belgia (Ultratop)70Canada Top Singles (RPM)66Canada Adult Contemporary (RPM)93Nederland (Nederlandsk Topp 40)83US Billboard Hot 10020
Liste for alle tider Liste (1958–2018)PlasseringUS Billboard Hot 100464
Salstrofé
Kjelder
Denne artikkelen bygger på «Don't Know Much» frå , den 8. desember 2020. oppgav desse kjeldene:
Bakgrunnsstoff
Kategori:Songar frå 1980 Kategori:Singlar frå 1989 Kategori:Linda Ronstadt-songar Kategori:Aaron Neville-songar Kategori:Bette Midler-songar Kategori:Songar skrivne av Tom Snow Kategori:Songar skrivne av Barry Mann Kategori:Songar på toppen av Billboard Adult Contemporary-lista Kategori:Nummer-ein-singlar i Irland Kategori:Songar med tekst av Cynthia Weil Kategori:Elektra Records-singlar Kategori:Songar produserte av Peter Asher Kategori:Hank Marvin-songar