Norah Jones () er ein amerikansk pianist og songar. Karrieren hennar byrja i 2002, då debutalbumet Come Away with Me blei selt i 20 millionar eksemplar og vann henne åtte Grammy-prisar. Med dette blei ho den kvinnelege artisten som hadde seld flest album på verdsbasis sidan 2000.
Norah Jones blei fødd som Geetali Norah Jones Shankar i Manhattan i New York som dotter av konsertprodusenten Sue Jones og den indiske sitarspelaren Ravi Shankar. Foreldra skilde lag i 1986, og Jones voks opp med mora mora, som flytta til Texas då dottera var fire. Norah Jones voks opp i Grapevine i Texas. Ho endra offisielt namn til Norah Jones då ho var seksten. Ho er halvsystera til Anoushka Shankar og Shubhendra Shankar.
Ho byrja å synga i kor i kyrkja, ta pianotimer og prøvde ein kort periode også å læra seg spela saksofon. Musikken hennar er ei blanding av jazz, soul, country og folk.
Diskografi 2001 – First Sessions (EP) 2002 – Come Away with Me 2003 – New York City (med The Peter Malik Group) 2004 – Feels Like Home 2007 – Not Too Late 2009 – The Fall 2012 – Little Broken Hearts 2016 – Day Breaks 2020 – Pick Me Up Off the Floor
Prisar og utmerkingar Grammy-prisar:
2003 Beste popvokal på album – «Come Away with Me» 2003 Årets album – «Come Away with Me» 2003 Beste produksjonsalbum, ikkje-klassisk – «Come Away with Me» 2003 Årets innspeling – «Don't Know Why» 2003 Beste kvinnelege popvokal-opptreden – «Don't Know Why» 2003 Årets song – «Don't Know Why» 2003 Beste nykommar 2005 Beste popsamarbeid med vokalar – «Here We Go Again» (med Ray Charles) 2005 Beste kvinnelege popvokal-opptreden – «Sunrise» 2005 Årets innspeling – «Here We Go Again» (med Ray Charles)
Kjelder
Denne artikkelen bygger på «Norah Jones» frå , den 14. april 2021.
Bakgrunnsstoff
Kategori:USA-amerikanske pianistar Kategori:USA-amerikanske songarar Kategori:Musikarar frå New York City Kategori:Folk frå Dallas County i Texas Kategori:USA-amerikanske jazzvokalistar