«Hard Rock Hallelujah» er ein finsk hardmetall-song som vann Eurovision Song Contest 2006 for Finland. Songen vart skriven og framført av den teatralske hardrockgruppa Lordi. Dette var den fyrste sigeren til Finland i Eurovision Song Contest, og fyrste gong ein låt innan rocke-sjangeren gjekk til topps i Eurovision Song Contest. Songen sette ny poengrekord med , og denne vart ikke slått før Alexander Rybak vann tevlinga i 2009 med . Etter sigeren gjekk «Hard Rock Hallelujah» inn på singellistene i ei rekkje land. I Noreg nådde den ein niandeplass på VG-lista, og dette var fyrste gongen sidan «Fly on the Wings of Love» i 2000 at ein Eurovision-vinnar nådde VG-lista.
Eurovision Song Contest Etter å ha vunne den finske finalen vinteren 2006 vart Lordi og «Hard Rock Hallelujah» det finske bidraget til Eurovision Song Contest i Athen i mai same år. Der kvalifiserte «Hard Rock Hallelujah» seg til finalen etter å ha vunne semifinalen torsdag 18. mai.
I finalen laurdag 20. mai var Finland det 17. landet ut på scena av 24 deltakarar. Iført sine ikoniske monstermasker, øks og andre kostyme vekte bandet oppsikt i tevlinga. På førehand var Finland nemnt som ein mogleg vinnar, og under avrøystinga tok landet raskt leiinga. Finland fekk 12 poeng frå åtte land, blant anna frå Norge, og enda opp med rekordhøge 292 poeng. Det var ny poengrekord i Eurovision Song Contest. Dette var også den fyrste sigeren til Finland i tevlinga, heile 45 år etter debuten i 1961.
Etter seieren «Hard Rock Hallelujah» nådde fyrsteplassen på den finske singellista og tok seg inn på hitlistene i ei rekkje land, blant anna Sverige, Storbritannia og Tyskland. Også i Noreg kom sangen inn på VG-lista, rett nok berre i to veker, og med ein niandeplass som høgaste plassering. Dette var likevel fyrste gongen på seks år at Eurovision-vinnaren kom inn på den norske singellista, forrige gong var i 2000 med Olsen Brothers og «Fly on the Wings of Love».
26. mai 2006, seks dager etter sigeren, var «Hard Rock Hallelujah» også med på å setje ny Guinness-rekord i karaoke. Det skjedde då rundt menneske samla seg i Helsingfors og song «Hard Rock Hallelujah» for å feire Eurovision-sigeren.
Listeplasseringar Liste (2006) Høgasteplassering Vekerpå lista Debutdato (Ö3 Austria Top 40)2252. juni 2006, Flandern (Ultratop)21610. juni 2006 Vallonia (Ultratop)21517. juni 2006 (Suomen virallinen lista)112Veke 9 2006 (IFPI)6–2006 (Single Top 100)271010. juni 2006 (VG-lista)92Veke 22 2006 (UK Singles Chart)25710. juni 2006 (Schweizer Hitparade)5234. juni 2006 (Sverigetopplistan)8211. juni 2006 (GfK Entertainment Charts)5202. juni 2006
Referansar
Denne artikkelen bygger på «Hard Rock Hallelujah» frå , den 21. april 2022.
Kategori:Finske Eurovision Song Contest-songar Kategori:Eurovision Song Contest-vinnarsongar Kategori:Eurovision Song Contest 2006-songar Kategori:Engelskspråklege Eurovision Song Contest-songar Kategori:Lordi-songar