mini|Swaraj 735. Punjab Tractors Ltd (PTL) er ein tidlegare indisk produsent av traktormerket Swaraj. Føretaket starta traktorproduksjon i 1974R.P. Barnwal, Swaraj: The Untold Story Of India’s First Indigenous Tractor, Science India, 7. mai 2024.. Opphavet til Swaraj-traktorane går attende til 1964, då statsminister Jawaharlal Nehru inviterte Man Mohan Suri, som var kjend som ein drivande ingeniør, til å leia CSIR-Central Mechanical Engineering Research Institute (CSIR-CMERI). På denne tida ville India modernisera jordbruket og det vart sett som viktig at landet produserte sine eigne traktorar, i staden for å halda fram med å importera dei frå utlandet. I staden for å samarbeida med internationale føretak ville dei ha ein heil-indisk traktor, utan utanlandske komponenter.
Utviklingsarbeidet Arbeidet med å utvikla ein høveleg traktor tok til ved CSIR-CMER, og vart leia av Man Mohan Suri, i samarbeid med Chandra Mohan. Dei amarbeidde med fleire indiske universitet og statlege instutisjonar. Etter som dei fleste indiske gardsbruk er små vart det bestemt at traktoren skulle ha ei motoreffekt på 20-25 hk. Etter ein periode med utvikling, testing og forbetringar hadde dei ein prototype klar i 1971. For å gi traktoren eit namn henta dei inspirasjon frå slagordet Swarāj (sanskrit: स्वराज), som Mahatma Gandhi hadde nytta. Det som tyder noko slikt som «sjølvstyre», så traktoren vart kalla «Swaraj».
Produksjon mini|Ein Swaraj-traktor i arbeid i Jalandhar i Punjab. Utviklinga av prototypen vart finansiert av Mining and Allied Machinery Corporation, men på grunn av svak konjunktur i 1967-1971 hadde dei ikkje midlar til å finansiera sereiproduksjon. Men Punjab State Industrial Development Corporation Limited (PSIDC) såg føremonane med å starta produksjon av ein indisk traktor og la til rette for å produsera traktoren ved det nyleg stifta føretaket Punjab Tractors Limited (PTL).
Den fyrste traktoren til føretaket var Swaraj 724, som kom på marknaden i 1974. Seinare kom det fleire modellar. Swaraj-traktorane vart populære både i India og på eksportmarknaden og produksjonen auka år for år. Tidleg på 2000-talet produserte India fleire traktorar i året USA.
Forutan traktorar produserte føretaket ymse landbruksreiskap og gaffeltruckar. Medan dei fleste indiske traktorprodusentane starta med lisensproduksjon eller i samarbeid med etablerte utanlandske produsentar, var produkta til Punjab Tractors tufta på innanlandsk teknologi. I 2007 vart føretaket teke over av Mahindra & Mahindra, noko som gjorde Mahindra & Mahindra til verdas største traktorprodusent.
Referansar
Kategori:Tidlegare traktorprodusentar Kategori:Tidlegare indiske føretak