Anastasia Liukin (), kjend Nastia Liukin, er ein russisk-fødd USA-amerikansk tidlegare turnar, fødd i Moskva. Ho vart olympisk meister i mangekamp under Sommar-OL 2008. Nastia er dotter til turnaren Valerij Ljukin og rytmisk gymnastikk-utøvaren Anna Kortsjeva, han vann OL-gull og ho VM-gull som representantar for Sovjetunionen før dei utvandra til USA.
Karriere Liukin vann gullmedaljen i både bom- og skranke-øvinga ved Turn-VM 2005 i Melbourne. To år seinare tok ho i Stuttgart eit nytt VM-gull på bom, samstundes fekk ho VM-gull med USA sitt mannskap i lagtevlinga. Under Sommar-OL 2008 i Beijing sigra ho i mangekampen. Elles i Beijing-leikane sikra ho seg sølv i bom, skranke og i lagtevlinga, medan det vart bronse i frittståande. Omframt dei fem OL-medaljane og dei fire VM-gulla, sanka Liukin fem sølvmedaljar i verdsmeisterskapane 2005, 2006 og 2007.
Kjelder
Denne artikkelen bygger på «Nastia Liukin» frå , den 14. desember 2022.
Kategori:USA-amerikanske turnarar Kategori:Verdsmeistrar i turn Kategori:Olympiske meistrar for USA Kategori:Olympiske sølvmedaljevinnarar for USA Kategori:Olympiske bronsemedaljevinnarar for USA Kategori:Medaljevinnarar under sommar-OL 2008 Kategori:USA-amerikanske deltakarar under sommar-OL 2008 Kategori:Gymnastar under sommar-OL 2008 Kategori:Folk frå Moskva Kategori:Russisk-amerikanarar