mini|Verdskart frå tida kring 1570. Juan Fernández, fødd cirka 1528–1536 i Cartagena i Murcia, Spania, død cirka 1599–1604 i Santiago i Chile, var ein spansk sjøfarar og oppdagingsreisande som er rekna som oppdagaren av Juan Fernández-øyane og Desventuradasøyane sør i Stillehavet.
Liv og virke Det tidlege livet til Fernández er ukjent, men han må ha mønstra på i den spanske flåten og hamna sidan i dei spanske områda i Peru.
I 1563 gjennomførte Fernández ein ekspedisjon frå Callao i Peru til Valparaíso i Chile. Denne reisa tok berre 30 dagar, og gjorde han kjend som ein dyktig sjøfarar som fekk kallenamnet brujo ('trollmann').
Fernández gjennomførte truleg fleire ekspedisjonar i Stillehavet frå 1564 til 1574.
Juan Fernández-øyane blei truleg oppdaga den 22. november 1574 og Øygruppa er kalla opp etter han. Dei einskilde øyane blei fyrst kalla Isla Más A Tierra (seinare Isla Robinson Crusoe), Islote de Santa Clara (no Isla Santa Clara) og Isla Más Afuera (no Isla Alejandro Selkirk).
Seinare same året oppdaga han òg San Ambrosio-øya og San Félix-øya i Desventuradas-øyane.
Nokre historikarar meiner det er mogleg at Fernández òg kan ha vitja New Zealand kring 1576. Deretter finst det ingen dokumentasjon om livet hans.
Litteratur
Alexander Dalrymple: An Historical Collection of the several Voyages and Discoveries inn the South Pacific Osean, London, (1769–1771)
Kjelder
Denne artikkelen bygger på «Juan Fernández (sjöfarare)» frå , den 28. februar 2023.
Bakgrunnsstoff
Om ekspedisjonane til Juan Fernández
Kategori:Døde på 1500-talet Kategori:Fødde på 1500-talet Kategori:Spanske oppdagarar