«Hard Times» er ein song skriven av James Taylor. Han kom først ut i 1981 på albumet hans Dad Loves His Work. Han vart òg gitt ut som singel, som oppfølgjaren til topp 20-hiten «Her Town Too». Han gjorde det ikkje like bra som forgjengaren, og nådde nr. 72 på Billboard Hot 100 og nr. 23 på Billboard Adult Contemporary-lista. B-sida på singelen, «Summer's Here», gjorde det på same måte på Adult Contemporary-lista, og nådde 25. plassen.

Tekst og musikk Til liks med fleire andre songar frå Dad Loves His Work var «Hard Times» påverka av det kommande brotet i ekteskap til Taylor med Carly Simon. Fansen høyrde songen som ein bodskap om at ekteskapet var i ferd med å ta slutt. Ifølgje Rolling Stone-kritikaren Don Shewey «utforskar han eit ekteskap på hell.» Teksten skildrar kor vanskeleg det er for ein «sint mann» og ei «svolten kvinne» å halda saman, og håpar at paret kan slutta å «driva kvarandre til vanvit.» Dei beklagar måten paret sårar kvarandre på. Songaren erkjenner at han kan vera utfordrande å elska. Taylor-biografen Mark Robowsky skildra grooven i songen som «lettfatteleg». Men han hevdar òg at refrenget til songen «We've got to hold on, got to hold on» var ein god knagg og tekstane var òg falske ettersom Taylor på det tidspunktet allereie hadde bestemt seg for at han ikkje ønskte å halda på ekteskapet med Simon. Songen har eit R&B-preg, som musikkforskaren James Perone delvis tilskriv koristane David Lasley og Arnold McCuller.

Mottaking Allmusic-kritkaren William Ruhlmann meinte at både «Hard Times» og «Summer's Here» var blant dei betre låtane på Dad Loves His Work, og hjelpte Taylor med å komma tilbake frå det førre «flekkete» albumet Flag. Musician, Player, and Listener vart skildrasom «meir personleg - spesielt når det gjeld ekteskapsproblem - enn noko [Taylor] har gjort på voks på mange år.» Michigan Daily-skribenten Ari Roth uttalte at «Hard Times» «påtvang ein avhengnad og vilje til prestasjon som Taylor aldri tidlegare har artikulert.» Michael Hochandel i Schenectady Gazette rapporterte at «Hard Times» fekk like mykje applaus under konsertane i 1981 som Taylor sine klassikarar.

«Hard Times» vart vald ut til lydsporet til PBS-dokumentaren 'Freedom: A History of Us. Allmusic-kritikaren William Ruhlmann beklaga at songen vart utelaten frå samlealbumet Greatest Hits Volume 2.

Medverkande James Taylor – solovokal Waddy Wachtel – elektrisk gitar, gitarsolo Dan Dugmore - elektrisk gitar Leland Sklar – bassgitar Don Grolnick – piano, orgel Rick Marotta – trommer, conga Bill Cuomo – synthesizer David Lasley, Arnold McCuller – korvokal

«Summer's Here» B-sida av «Hard Times»-singelen, «Summer's Here», gjorde det òg bra på Adult Contemporary-lista, og nådde ein 25. plass. «Summer's Here» kom inn på Adult Contemporary-lista 1. august 1981, medan «Hard Times» framleis var på topp 50. «Summer's Here» gjorde det endå betre på den kanadiske Adult Contemporary-lista, og nådde 12. plassen der.

Perone skildra temaet i «Summer's Here» som rett og slett ei feiring av sommaren. Montreal Gazette-kritikaren John Griffin skildra på same måte songen som «rett og slett ein fjollete ode til 'mi favorittid på året'.» Sjølv om karakteren i songen seier at sommaren er favorittårstida hans, har Taylor hevda at dette berre er karakteren som snakkar, og at Taylor si eiga favorittårstid er hausten og favorittmånaden hans er oktober. Teksten til «Summer's Here» inkorporerer ein vanleg trope i songane til Taylor, nemleg det opne havet..

Perone skildra musikken som karibisk stil, medan Schenectady Gazette-kritikaren Michael Hochandel skildra musikken som reggae. Musician, Player, and Listener skildra han på same måte som å ha karibisk innverknad, og kalla den ei «kortvarig solstråle. » Taylor-biografen Timothy White kalla songen for «smittsam». Terry Hazlet frå Observer-reporter vurderte «Summer's Here» som den beste songen på Dad Loves His Work og «det næraste Taylor kom dei verkelege røtene sine», sjølv om han rekna han som «forenkla» og fordi fokuset på gjenstandar som sandalar, øl og hattar «gjer det menneskelege elementet», som han meinte mangla på andre songar på albumet, «unødvendig». Perone vurderer songen som «ikkje ein av Taylor sine meir lyriske eller musikalske substansielle verk», men seier at han «fungerer som ein pause frå nokre av dei mørkare og meir alvorlege tekstane på Dad Loves His Work.»

Medverkande James Taylor – solovokal, akustisk gitar Waddy Wachtel, Dan Dugmore Leland Sklar – bassgitar Rick Marotta – trommer, timbales Don Grolnick – elektrisk piano, orgel Greg «Fingers» Taylor harmonia Peter Asher – shaker Greg «Fingers» Taylor munnspel

Kjelder

Denne artikkelen bygger på «Hard Times (James Taylor song)» frå , den 8. april 2023. oppgav desse kjeldene:

Kategori:Songar frå 1981 Kategori:Singlar frå 1981 Kategori:James Taylor-songar Kategori:Songar skrivne av James Taylor Kategori:Songar produserte av Peter Asher Kategori:Columbia Records-singlar