Børge Brende () er ein norsk tidlegare politikar for Høgre. Han var utanriksminister i regjeringa Solberg frå 2013 til 2017, og deretter president for World Economic Forum frå 2017 til 2026.
Bakgrunn Børge Brende er utdanna Cand. mag. med mellomfag i historie. Frå 1990 til 1992 var han tilsett som økonomisjef i Brende-entreprenør AS.
Politikk Frå 1988 til 1990 var Børge Brende leiar for Unge Høgre. Etter det var han frå 1991 til 1997 medlem av formannskapet og kommunalrådet i Trondheim. Han var vararepresentant på Stortinget i periodane 1989–1993 og 1993–1997, og blei vald inn som stortingsrepresentant for Sør-Trøndelag i 1997, 2001 og 2005.
Brende var med i regjeringa Bondevik II, først som miljøvernminister (2001–2004) og deretter som nærings- og handelsminister (2004–2005). I 2013 blei han ny utanriksminister for Solberg-regjeringa.
Brende var nestleiar i Europabevegelsen (1991–1992) og var leiar av SN-kommisjonen for berekraftig utvikling (2003–2004).
Regjeringar 2001–2004: Statsråd for Miljøverndepartementet 2004–2005: Statsråd for Nærings- og handelsdepartementet 2013–2017: Statsråd for Utanriksdepartementet
Stortingskomitéar 1997–2001: medlem i Finanskomitéen 2005–2009: første nestleiar i Energi- og miljøkomiteen
WEF-president Brende var president for World Economic Forum (WEF) frå 23. oktober 2017 til 26. februar 2026. Han trekte seg etter at det kom fram at han hadde hatt kontakt med finansmannen og seksualforbrytaren Jeffrey Epstein.
Prisar og utmerkingar I 2005 blei Børge Brende utnemnd til kommandør av St. Olavs Orden for embetstenesta si.
Kjelder
Bakgrunnsstoff
Høyre - biografi
Kategori:Norske utanriksministrar Kategori:Norske miljøvernministrar Kategori:Norske nærings- og handelsministrar Kategori:Høgrestatsrådar Kategori:Statsrådar i Regjeringa Bondevik II Kategori:Statsrådar i Regjeringa Solberg Kategori:Stortingsrepresentantar 1997-2001 Kategori:Stortingsrepresentantar 2001-2005 Kategori:Stortingsrepresentantar 2005-2009 Kategori:Stortingsrepresentantar frå Høgre Kategori:Stortingsrepresentantar for Sør-Trøndelag Kategori:Leiarar i Unge Høgre Kategori:Lokalpolitikarar i Trondheim Kategori:Høgrepolitikarar i Sør-Trøndelag Kategori:St. Olavs Orden Kategori:Folk frå Odda Kategori:Folk frå Trondheim