Irina Khetsjanovi (georgisk: ირინა ხეჩანოვი; engelsk: Irina Khechanovi; ), kjend som Iru, er ein georgisk songar og låtskrivar. Ho vann Junior Eurovision Song Contest 2011 som medlem av jentegruppa Candy, med songen «Candy Music». I 2023 gjekk ho til topps i den femte sesongen av The Voice Georgia og fekk representere Georgia i Eurovision Song Contest 2023 i Liverpool i Storbritannia.
Bakgrunn Khetsjanovi blei fødd 3. desember 2000 i den georgiske hovudstaden Tbilisi. Ho har armensk opphav. Som barn deltok ho i ei rekkje lokale songtevlingar, og i 2011 representerte ho Georgia i Junior Eurovision Song Contest 2011 i Jerevan i Armenia som del av jentegruppa Candy. Gruppa vann tevlinga med songen «Candy Music».
I 2019 deltok Khetsjanovi i den georgiske utgåva av Idol, men blei slegen ut før finalen. To år seinare gav ho ut sin fyrste singel som soloartist, «No Jerk Around Me».
miniatyr|240x240pk|Khetsjanovi (i midten) etter sigeren i Junior Eurovision Song Contest 2011
I 2022 opptredde Khetsjanovi under Junior Eurovision Song Contest 2022 som del av ein medley med tidlegare vinnarar av tevlinga. Ho hadde også vore med på å skrive songen «I Believe» med Mariam Bigvava, som var det georgiske bidraget i tevlinga det året. Låten enda på tredjeplass.
Seinare i 2022 deltok Khetsjanovi i den femte sesongen av The Voice Georgia. Ho vann finalen 2. februar 2023 og sikra seg med det retten til å representere Georgia i Eurovision Song Contest 2023. Ho deltok med låten «Echo» i den andre semfinalen torsdag 11. mai 2023. Der blei ho nummer 12 i semifinalen og kvalifiserte seg ikkje til finalen.
The Voice Georgia-framsyningar og resultatRundeSongOriginalartistResultatBlindaudition«Never Enough»Loren AllredBlei med i Team Dato PortsjkhidzeUtslagsrunde«Leave the Door Open»Silk SonicVidareKvartfinalar«Smells Like Teen Spirit» og «Around the World»Nirvana og Daft PunkVidAreSemifinale«Rise Like a Phoenix»Conchita WurstVidareFinale«Euphoria»LoreenVinnar
Diskografi Singlar 2021 – «No Jerk Around Me» 2022 – «Not Like Today» 2022 – «Tu mama» 2023 – «Idea» 2023 – «Echo»
Referansar
Denne artikkelen bygger på «Iru Khetsjanovi» frå , den 2. mars 2024.
Kategori:Georgiske songarar Kategori:Georgiske låtskrivarar Kategori:Junior Eurovision Song Contest-vinnarar Kategori:Junior Eurovision Song Contest 2011-deltakarar Kategori:Junior Eurovision Song Contest 2022-låtskrivarar Kategori:Georgiske Junior Eurovision Song Contest-deltakarar Kategori:Georgiske Junior Eurovision Song Contest-låtskrivarar Kategori:Georgiske Eurovision Song Contest-deltakarar Kategori:Georgiske Eurovision Song Contest-låtskrivarar Kategori:Eurovision Song Contest 2023-deltakarar Kategori:Eurovision Song Contest 2023-låtskrivarar Kategori:Folk frå Tbilisi