Astrid Krag Kristensen () er ein dansk politikar (S). Ho var minister i den fyrste regjeringa til Mette Frederiksen frå 27. juni 2019 til 15. desember 2022, fyrst som sosial- og innanriksminister, deretter som sosial- og eldreminister.
Krag har vore vald til Folketinget frå Sjællands storkrins sidan 2007 og helseminister 2011–2014, og melde overgang frå Socialistisk Folkeparti til Socialdemokraterne ved si fråtreding som minister.
Bakgrunn Krag er dotter av ein tekstforfatter og ein gymnaslærar. Ho er gift med Andreas Seebach, kjend som rapperan AndyOp. Paret har barn saman, og er busatt på Amager. Krag har studentereksamen frå Tørring Amtsgymnasium frå 2001 og studium i statsvitskap frå Københavns Universitet. Ho har arbeidd i barnehage, skuleverket og heimepleien.
Karriere Krag var elevrådsformann på gymnaset og formann i ungomspartiet til Socialistisk Folkeparti 2005–2007. Sidan 2007 har ho vore vald til Folketinget frå Sjællands storkrins, etter å ha blitt nominert frå Roskilde krins. Krag var helseminister i den fyrste regjeringa til Helle Thorning-Schmidt 2011–2014. I 2012 var ho kandidat til formannsposten i Socialistisk Folkeparti, men tapte mot Annette Vilhelmsen i uravrøystinga. Etter at Socialistisk Folkeparti gjekk ut av regjeringa i januar 2014, melde dei avtroppande ministrane Astrid Krag og Ida Auken overgang til høvesvis Socialdemokraterne og Radikale Venstre. Same år blei Krag nominert til Folketinget for Socialdemokraterne frå Greve krins i Sjællands storkrins.
Kjelder
Denne artikkelen bygger på «Astrid Krag» frå , den 12. mars 2024.
Kategori:Danske statsvitarar Kategori:Danske sosialministrar Kategori:Danske innanriksministrar Kategori:Danske helseministrar Kategori:Socialdemokratiet-ministrar Kategori:Socialistisk Folkeparti-ministrar Kategori:Folketingsmedlemmar frå Socialdemokratiet Kategori:Folketingsmedlemmar frå Socialistisk Folkeparti Kategori:Elevar ved Københavns Universitet Kategori:Folk frå Vejle