Botolf Andreas Stolt-Nielsen () var ein norsk skipsreiar og politikar frå Haugesund. Han var stortingsrepresentant i tida 1919-21.
Stolt-Nielsen starta agenturforretning i 1886 og dreiv omfattande handel med sild. I 1891 kjøpte han dampskipet «Avance I». Med åra bygde han opp ein stor flåte og var i 1914 den største skipsreiaren på Vestlandet. Under den fyrste verdskrigen kontraherte han fleire 9 000-tonnarar ved skipsverft i USA. Etter krigen var over disponerte han ein flåte på ikring 100 000 tonn dødvekt, skipa varierte frå 1700 til 11 000 tonn dødvekt.
Lokalt i Haugesund hadde Stolt-Nielsen gjennom åra mange styre- og formannsverv i privat og offentleg verksemd. Han sat fleire periodar i bystyre og formannskap.
Stortingsbolken 1919-21 representerte han Haugesund i Stortinget, vald på ei liste for Frisinna Venstre og Høgre.
Kjelder Haugesunds Dagblad, 28. desember 1936
Kategori:Stortingsrepresentantar 1919-1921 Kategori:Stortingsrepresentantar frå Høgre Kategori:Stortingsrepresentantar for Haugesund Kategori:Lokalpolitikarar i Haugesund Kategori:Høgrepolitikarar i Rogaland Kategori:Norske skipsreiarar Kategori:Folk frå Haugesund