«Sì» (norsk omsetjing ‘ja’) er ein italiensk slagersong frå 1974 med Gigliola Cinquetti. Songen var Italia sitt bidrag i Eurovision Song Contest 1974, der han enda på andreplass bak ABBA og «Waterloo». Songen er komponert av Mario Panzeri, Daniele Pace, Lorenzo Pilat og Corrado Conti.
Om songen Songen er ein dramatisk ballade, der songaren fortel om kjærleiken sin til ein mann og om gleda ho kjenner når ho endeleg seier «ja». Når ho seier ja, er det som om himmelen klårnar opp, og ho får kjensler ho aldri har kjent før. Ordet «sì» vert gjenteke 16 gonger i løpet av teksten.
Songen og teksten vart skrivne av Mario Panzeri, Daniele Pace, Lorenzo Pilat og Corrado Conti. Han vart sungen på italiensk av songaren Gigliola Cinquetti. Den italienske kringkastaren Rai valde songen til å representere Italia i Eurovision Song Contest 1974 i Brighton.
I tevlinga var «Sì» det 17. og siste bidraget på scena, etter Portugal sitt bidrag «», som vart brukt som eitt av to kallesignal i Portugal for å setje i verk Nellikrevolusjonen.ESCtoday.com, Eurovision Song Contest 1974O'Connor, John Kennedy. The Eurovision Song Contest: The Official History. Carlton Books, UK. 2007
I røystinga hadde kvart land ei jurygruppe med personar som kvar gav éi røyst til sitt favorittbidrag. Kvar jurygruppe hadde dermed 10 røyster til fri fordeling. «Sì» fekk til saman 18 røyster og enda på andreplass – 6 røyster bak Sverige sitt bidrag «Waterloo» med ABBA. Andreplassen var det nest beste resultatet Italia hadde fått til då, berre slått av vinnaren frå 1964, «Non ho l'età», som òg vart framført av Gigliola Cinquetti.
Cinquetti spelte seinare inn songen på fleire språk: engelsk («Go (Before You Break My Heart)»), fransk («Lui»), tysk («Ja») og spansk («Si»). spelte inn ein norsk versjon kalla «En verden av sol» på albumet Stein, og finske spelte òg inn ein finsk versjon, «Niin».
Sensur av songen I Italia vart ikkje finalen i Eurovision Song Contest send direkte, sidan tevlinga delvis samanfall med valkampen framfor den italienske folkerøystinga om skilsmisse, som vart halden ein månad seinare i mai.
Kringkastaren Rai sensurerte songen på grunn av teksten, som kunne oppfattast som ei oppmoding til italienske veljarar om å røyste «sì» (ja) i folkerøystinga. Songen vart ikkje spelt på italiensk radio eller fjernsyn før etter folkerøystinga. «Sì» fekk dermed avgrensa suksess heime i Italia med ein 23. plass på den italienske singellista. I staden fekk songen ein viss suksess ute i Europa, og i Storbritannia nådde den engelske versjonen «Go (Before You Break My Heart)» ein åttandeplass på den britiske singellista i juni 1974.ESCtoday.com, song info "Sì"
Listeplasseringar Liste (1974)Høgasteplassering Belgia, Flandern (Ultratop 50)30 Belgia, Vallonia (Ultratop 50)6 Italia (Hitparade)23 Storbritannia (Official Singles Chart) (engelsk versjon)8 Tyskland () (originalversjon)13 Tyskland () (tysk versjon)45 Kjelder
Denne artikkelen bygger på «Sì» frå , den 13. februar 2026.
Kategori:Italienske Eurovision Song Contest-songar Kategori:Eurovision Song Contest 1974-songar Kategori:Italienskspråklege Eurovision Song Contest-songar