Kine Beate Bjørnås () er ein tidlegare langrennar frå Meråker i Nord-Trøndelag. Ho vart noregsmeister på 30 kilometer i 2005, og vann tre NM-gull i stafett for IL Varden.
Bjørnås kom på sølvplassen på 15 km under Ski-NM 2002, over to minutt bak Anita Moen. Ho fekk og gleda ved å gå IL Varden inn til NM-gull i 3x5 km stafett. To år seinare vann ho sølvmedaljen på 10 km ved Ski-NM 2004 på Bardufoss, bakom Hilde Gjermundshaug Pedersen, men framom Marit Bjørgen. Sidan i noregsmeisterskapen gjekk ho den andre etappen for vinnarlaget i 3x5 km stafett, IL Varden.
Vinteren 2004/05 var Bjørnås i sitt livs beste form. I NM-stafetten på Lillehammer i januar slo ho Kristin Steira i spurten og sikra IL Varden nok ein NM-triumf. Den 3. april vann ho gullmedaljen på NM-tremila, også Lillehammer, med Kristin Stemland og Kristin Steira på dei neste plassane. I 2008 var Bjørnås for fjerde gong med om å vinne NM-stafetten for IL Vartden.
21. november 2004 i Gällivare gjekk Bjørnås startetappen for eit norsk mannskap som sigra på 4x5 km stafett i verdscupen i langrenn, dei andre på laget heitte Vibeke Skofterud, Hilde Gjermundshaug Pedersen og Marit Bjørgen. Individuelt i verdscupen fekk Bjørnås som best ein 7.-plass i Sapporo i mars 2006. I verdscupen i langrenn 2005 enda ho som nummer 27. Bjørnås fekk delta på tre distansar under Ski-VM 2005 i Oberstdorf, hamna på 25., 27. og 30. plass.
Kjelder
Denne artikkelen bygger på «Kine Beate Bjørnås» frå , den 24. februar 2026. Denne artikkelen bygger på «Kine Beate Bjørnås» frå , den 24. februar 2026.
Kategori:Norske langrennsløparar Kategori:Noregsmeistrar i langrenn Kategori:Folk frå Meråker