Bruno Oldani () var ein sveitsisk-norsk designar frå Zürich. Han var i fleire tiår ein av dei fremste i norsk designmiljø, særleg innom grafisk design.
Oldani var utdanna i design ved kunsthandverk-skulen i Zürich. Han flytta i 1958 til Noreg. Frå siste halvdel av 1960-åra utmerka han seg som ein nyskapande grafikar på fleire felt, både gjennom frimerke, bokdesign og mangt anna. Mellom anna fekk han internasjonal gullmedalje for utforming av glasfiberski. Frimerkeserien til Vinter-OL 1994 på Lillehammer vekte åtgaum utanlands. 1988-94 var Oldani professor i grafisk design og illustrasjon ved Statens håndverks- og kunstindustriskole.
Oldani vart tildelt ei mengd prisar. I 2003 vart han heidra ved den internasjonale designkongressen i Mexico, og i 2006 tildelt Norsk Kulturråd sin ærespris.
Kjelder Store norske leksikon
Bakgrunnsstoff Kreativt forum
Kategori:Norske grafikarar Kategori:Folk frå Zürich