De Dannan (opphavleg Dé Danann) er ei irsk folkemusikkgruppe som fleire irske folkesongarar har vore medlem av, til dømes Maura O'Connel, Mary Black og Dolores Keane.
Historie mini|Mary Black og Dolores Keane med De Dannan under Trowbridge Folk Festival 1985. Gruppa blei danna i 1974 etter ei rad opptredenar i Hughes's Pub i landsbyen An Spidéal i County Galway. Den opphavlege besetninga var felespelaren Frankie Gavin, Alec Finn (bouzouki), Charlie Piggott (banjo, fløyte) og Johnny McDonnagh (bodhrán). Dolores Keane blei òg invitert med frå byrjinga.
Bandnamnet var henta frå Túatha Dé Danann (Danu-folket), ein stamme frå irsk mytologi. Namnet blei opphavleg stava «De Danann», som på irsk, men det blei etterkvart endra til «De Dannan» av uklare grunnar.
Gruppa har hatt ei rekkje vokalister. Dolores Keane song på debutalbumet, seinare følgde Andy Irvine og Johnny Moynihan. På byrjinga av 1980-talet hadde gruppa stor suksess blant irsk-amerikanarar, med Maura O'Connel som vokalist og frontfigur. Albumet Star-Spangled Molly var ein honnør til dei irskætta innvandrarne sine bidrag til amerikansk kultur. Etter at Maura O'Connel slutta var Mary Black frontfigur på to album, og då ho slutta i 1986 kom Dolores Keane tilbake og var med på to album.
Av instrumentalistane var Frankie Gavin og Alec Finn dei einaste stabile medlemmane. Jackie Daly (akkordeon) gjekk til gruppa Patrick Street og blei erstatta i 1983 av Martin O'Connor, som igjen blei erstatta av Aidan Coffey i 1987 og Derek Hickey i 1995. Sistnemnde blei verande i gruppa til 2001. Kombinasjonen fele-akkordeon-bouzouki blei synonym med den instrumentale sounden til De Dannan. I 1988 erstatta Colm Murphy Johnny McDonagh på bodhrán.http://www.ceolas.org/instruments/bodhran/performers.shtml#Murphy
I 1980 fekk gruppa ein overraskande hitsingel i Irland med Beatles-låten «Hey Jude.» Som eit døme på den allsidige musikken til gruppa kan ein òg nemna at spelte inn Handel sin «Arrival of the Queen of Sheba» frå Solomon, Queens «Bohemian Rhapsody» , og dessutan klezmermusikk dei lærte av bluegrass- og klezmerstjerna Andy Statman.
Bandmedlemmene gjekk kvar sin veg i 2003, då Alec Finn tok patent på namnet De Dannan. Dette førte til ein høgt profilert krangel med Frankie Gavin då denne i 2009 brukte det same namnet på bandet som før bar namnet Hibernian Rapsody band.
Diskografi
De Danann (1975) Selected Jigs Reels and Songs (1977) The Mist Covered Mountain (1980) Star-Spangled Molly (1981) Best Of De Dannan (1981), samlealbum Song For Ireland (1983) The Irish RM (1984) Anthem (1985) Ballroom (1987) A Jacket Of Batteries (1988) Half Set In Harlem (1991) Hibernian Rhapsody (1995) How The West Was Won (1999), samlealbum Welcome To The Hotel Connemara (2000)
Kjelder
Denne artikkelen bygger på «De Dannan» frå , den 4. september 2026.
Litteratur
Richard Schuberth: CrossRoots. Moers 2002, ISBN 3-935943-00-8
Bakgrunnsstoff
Kategori:Musikkgrupper skipa i 1974 Kategori:Irske folkemusikkgrupper