mini|Illustrasjon av Torill Kove frå barneboka Johannes Jensen føler seg annerledes av Henrik Hovland (2003). Torill Kove () er ein prisvinnande norsk-kanadisk animasjonsfilmskapar og barnebokforfattar som sidan 1980-talet har vore busett i Montreal i provinsen Québec i Canada. I 2007 vann ho ein Oscar-pris for kortfilmen Den danske dikteren (2006).
Kove flytta til Canada i 1982 for å halde fram utdanninga si i byplanlegging i Canada. Etter ei stund bestemte ho seg å skifte studium, og byrja i staden å studere animasjon ved Concordiauniversitetet i Montreal. Ho har laga fleire filmar, skrive og illustrert barnebøker og skrive kortfilmmanus. Ho har mellom anna illustrert bøkene om Johannes Jensen, som er skrivne av Henrik Hovland.
Med unntak av den Den danske dikteren er ho mest kjend for kortfilmen og barneboka Min bestemor strøk kongens skjorter, som blei produsert med støtte frå den kanadiske statens National Film Board of Canada og Noreg sitt Studio Magica i Oslo. Filmen blei nominert til Oscar for beste aminerte kortfilm i 1999. Han er ein elleve minuttar lang film om filmskaparen si eiga bestemor, som i eit langt liv strauk skjortene til kong Haakon VII. Filmen fortel på sin måte om monarkiet i Noreg, om korleis nordmennene fann seg ein ny konge i 1905, og om den andre verdskrigen. Då starta bestemora nemleg motstandsrørsla Skjortegeriljaen, etter at ho mista jobben som kongen sin skjortestrykar og måtte byrje å stryke fienden sine uniformer.
I februar 2007 vann Kove Canadas Prix Genie Award i kategorien for beste animerte kortfilm Den danske dikteren. Under den 79. Oscar-utdelinga seinare same månad vann ho sin første Oscar i kategorien «beste animerte kortfilm» for same film. Som Min bestemor strøk kongens skjorter blei Den danske dikteren produsert med støtte frå National Film Board of Canada og Mikrofilm AS i Noreg.
Bibliografi Min bestemor strøk kongens skjorter – barnebok
Prisar Den danske dikteren: Oscar-vinner (2007), beste animerte kortfilm Canadas Prix Genie Award, nominasjon i kategorien for beste animerte kortfilm Amandaprisen-nominasjon for beste kortfilm
Min bestemor strøk kongens skjorter: Amandaprisen for Beste norske kinofilm, 2000 Short Film Award, Würzburg International Filmweekend, 2000 Special Recognition, Zagreb World Festival of Animated Films, 2000
Nominasjonar for Min bestemor strøk kongens skjorter: Oscar; Animated Short Film 1999. Children's Jury Award; Short Film or Video - Animation, Chicago International Children's Film Festival, 2000 Best Animation Film; International Competition, Dresden Film Festival, 2000 Jutra (Québec, Canada); Best Animated Film, Jutra Awards, 2000 Short Film, Montréal World Film Festival (Quebec, Canada), 1999
Bakgrunnsstoff http://www.gd.no/kultur/article2541121.ece http://www.emb-norway.ca/culture/film/torilkove.htm http://www.cbc.ca/news/story/2007/01/23/danish-poet.html http://www.onf.ca/webextension/thedanishpoet/index.php?lg=en http://www.onf.ca/webextension/thedanishpoet/team.php?id=0 http://www.nfb.ca/webextension/oscars/current.php?lg=en
Kategori:Norske regissørar Kategori:Kanadiske regissørar Kategori:Norske animatørar Kategori:Kanadiske animatørar Kategori:Norske barnebokforfattarar Kategori:Kanadiske barnebokforfattarar Kategori:Folk frå Hamar Kategori:Folk frå Montreal Kategori:Oscarvinnarar