Jondal er ein tidlegare norsk kommune i Hardanger i Hordaland fylke. Han låg på Folgefonnhalvøya på sørsida av Hardangerfjorden, og grensa mot Odda og Kvinnherad kommunar i sør, mot Ullensvang herad i aust og nordaust og mot Kvam herad i vest og nordvest. 1. januar 2020 vart kommunen slegen saman med Odda kommune og Ullensvang herad til nye Ullensvang kommune.
Dei fleste innbyggjarane bur i Kysnesstrand, Torsnes, Solesnes, Svåsand, Jondal og Herand. Innover mot Folgefonna ligg bygdene Nedre og Øvre Krossdalen.
Delar av isbreen Folgefonna ligg i kommunen. Folgefonn sommarskisenter gjev vintersportstilbod mesteparten av året. Kommunevåpenet for Jondal viser tre skråstilte båtshakar, i gull på raud botn.
Folk med tilknyting til Jondal Herborg Kråkevik, artist Øyvor Bakke, programleiar i NRK Johannes Selsvik, båtbyggjar Gjert Gunnarson Bakke, båtbyggjar
Bakgrunnsstoff
Jondal kommune
Kategori:Tidlegare kommunar i Hordaland Kategori:Hardanger Kategori:Norske kommunar skipa i 1862 Kategori:Norske kommunar nedlagde i 2019 Kategori:Ullensvang kommune