Inge Særheim () er ein norsk språkforskar og namnegranskar frå Klepp i Rogaland.
Særheim tok examen artium ved latinlina på Bryne gymnas i 1969. Vidare tok han historisk-filosofisk embetseksamen ved Universitetet i Bergen i 1979, og vart då cand.philol. med nordisk hovudfag, fransk mellomfag og musikk grunnfag. I 2000 vart han dr.philos. ved Universitetet i Bergen med avhandlinga Namn og gard. Studium av busetnadsnamn på -land. Sidan same år har han også vore professor ved Universitetet i Stavanger.
Han arbeidde som høgskulelektor i norsk ved Stord lærarhøgskule i eitt år etter han var ferdig med studia sine. Etter dette dreiv han namnegransking ved Rogalandsforskning og Rogaland distrikthøgskole.
Særheim er ofte innom stadnamn-spalta i radioprogrammet Språkteigen på NRK P2, der han svarar på spørsmål og greier ut om tydinga av stadnamn.
Han er prorektor ved Universitetet i Stavanger.
Kjelder «Ny doktorgrad: Gardsnamn og busetnadshistorie» hjå Universitetet i Bergen.
Bakgrunnnsstoff
Kategori:Folk frå Klepp Kategori:Norske språkforskarar Kategori:Professorar ved Universitetet i Stavanger