Knut Jørgen Røed Ødegaard () er ein norsk astrofysikar og formidlar av populærvitskap. Han var stipendiat og formidlingsansvarleg ved Institutt for teoretisk astrofysikk ved Universitetet i Oslo og dagleg leiar for verksemda ved Solobservatoriet på Harestua.
Ødegaard har stått sentralt i planlegginga og gjennomføringa av ei rekkje astronomirelaterte arrangement dei seinare åra, som arrangementa i samband med Venuspassasjen i 2005 og solformørkinga i 2004. Han var prosjektleiar for Astrofestivalen i 2001. Ødegaard har vore ein viktig medverkande til barne- og ungdomsprogrammet Newton på NRK1. Med sitt engasjement og breie kunnskapsfelt har han vore med på å auka interessa for astronomi og realfag i Noreg. Han jobbar òg som forfattar og omsetjar, og leia ein periode radioprogrammet Hurum og Ødegaard i Kanal 24 saman med paleontologen Jørn Hurum. I 2004 mottok han prisen Årets kommunikator av Kommunikasjonsforeningen for sin omfattande innsats for formidling av vitskap i massemedia. Mellom 2005 og 2008 var han leiar i Norsk Astronomisk Selskap.
Ødegaard har òg hatt ein gjesteopptreden i ein sketsj som seg sjølv med komikergruppa Team Antonsen i 2006 for NRK.
Bibliografi
Solsystemet (Damm forlag) 2005 På vei til Mars og Saturn (Mangschou) 2005 Bang! (Cappelen) 2006
Bakgrunnsstoff Ødegaards heimeside på UiO
Kategori:Norske astronomar Kategori:Norske sakprosaforfattarar Kategori:Folk frå Jevnaker Kategori:Tilsette ved Universitetet i Oslo Kategori:Astronomar på 1900-talet Kategori:Astronomar på 2000-talet