Granasjøen er ein innsjø som ligg på Nerskogen ved Fv512 i Rennebu kommune i Trøndelag fylke. Innsjøen vart regulert med demning i samband med utbygginga av Orkla og Grana-vassdraget på 1980-talet. Frå 1982 har han vore vassmagasin for Grana kraftverk. Før oppdemminga var det berre skog og myrar kring faret til Grana.
Granasjøen er i dag fiskerik, og Granasjøen kiosk, som ligg i nordenden av vatnet, leiger ut båtar og fiskeutstyr - i tillegg til å tilby enkel servering og overnatting. Sjøen har òg vore nytta til segling med seglbrett.
Kategori:Innsjøar i Trøndelag Kategori:Geografi i Rennebu