Frode Thingnæs () var ein norsk jazzmusikar (trombone), komponist, arrangør og orkesterleiar, utdanna ved Det kgl. musikkonservatorium i Danmark. Han spelte (1959-) i eit orkester leidd av Bjørn Jacobsen, Gunnar Brostigen, Mikkel Flagstad og Kjell Karlsen, han leidde eigne besetningar (1961-) og medverka på ei rekkje utgjevingar med Egil Kapstad, Terje Rypdal, Laila Dalseth, Espen Rud, Bjørn Alterhaug og Per Husby. Han blei nær engasjert i Count Basie-storbandet (1975).

På pop-fronten bidrog han ei tid i Popol Ace, samt dirigerte Kringkastingsorkesteret. Han skreiv (med Philip Kruse) musikken til Melodi Grand Prix-bidraga Hvor er du? (1974) og Mata Hari (1976), begge framført av Anne-Karine Strøm. Thingnæs var òg dirigent og medverkande i Forsvarets Stabsmusikkorps og i over 30 år dirigerte han Kampen Janitsjarorkester.

Thingnæs komponerte mykje, og er kanskje mest kjend for Wheels, samt Flåklypa-balletten (1985) på Den Norske Opera. Vidare har han produsert plater, bl.a. for Bodega Band (1977). Han gav ut langspelplata Watch what happens (Gemini Records) med Henryk Lysiak, Jan Erik Kongshaug, Pete Knutsen, Steffen Stokland, Svein Christiansen og Terje Gewelt. I den seinare tida leia han ein kvintett med Harald Gundhus.

Prisar og utmerkingar Buddyprisen av Norsk jazzforbund (1970) Årets verk frå NOPA for «Day in, Night out» (1976) Spellemannprisen 1980 i klassen jazz for Direct To Dish med Frode Thingnæs Quintet Gammleng-prisen i klassen jazz (1983) Kardemommestipendiet (av NOPA) (1995) Æresborgar av New Orleans (1999) Kongens fortenestmedalje i gull Statens arbeidsstipend for komponistar

Bakgrunnsstoff biografi frå Norsk Musikkinformasjon 60-års omtale frå Kampen Janitsjar trombonesonline.com har bilete og biografi

Kjelder

Denne artikkelen bygger på «Frode Thingnæs» frå , den 5. mai 2008.

Kategori:Norske jazzkomponistar‎ Kategori:Vinnarar av Spellemannprisen Kategori:Kongens fortenestmedalje i gull Kategori:Folk frå Nore og Uvdal Kategori:Norske trombonistar Kategori:Melodi Grand Prix 1974-låtskrivarar Kategori:Melodi Grand Prix 1976-låtskrivarar Kategori:Melodi Grand Prix-vinnarlåtskrivarar Kategori:Norske Eurovision Song Contest-låtskrivarar Kategori:Eurovision Song Contest 1974-låtskrivarar Kategori:Eurovision Song Contest 1976-låtskrivarar