«Yesterday» er ein popsong av The Beatles frå albumet deira Help! frå 1965. I følgje Guinness Rekordbok er songen den mest innspelte songen nokon gong. Songen er framleis populær i dag og det er gjort meir enn 3000 innspelingar av han. Singelutgåva til Beatles nådde førsteplassen i mange land, mellom anna i Noreg. Broadcast Music Incorporated (BMI) hevdar at songen er framført over sju millionar gonger på 1900-talet.
«Yesterday» er ein melankolsk akustisk ballade om eit forhold som har teke slutt. Det var den første innspelinga av The Beatles der berre eit av bandmedlemmene medverka og Paul McCartney var berre akkompagnert av ein strykekvartett. Den endelege innspelinga var så forskjellig frå andre Beatles-songar på denne tida at dei tre andre medlemmene la ned veto om at songen skulle ut på singel i heimlandet, noko han heller ikkje vart før i 1975. Sjølv om songen er kreditert Lennon/McCartney er han berre skrive av McCartney.
Opphav
I følgje biografane til McCartney og The Beatles drøymde McCartney melodien ei natt i heimen hos kjærasten Jane Asher og familien hennar. Då han vakna skunda han seg til eit piano og tok opp songen på ein bandopptakar så han ikkje skulle gløyme han. McCartney var først uroa om han kanskje undermedviten hadde plagiert ein annan sin song. Etter kvart som han vart overbevist om at han ikkje hadde stole melodien frå nokon andre, byrja han å skrive ein tekst som passa. I starten hadde songen arbeidstittelen «Scrambled Eggs», og den opphavlege teksten skal ha vore «Scrambled eggs, Oh, baby how I love your legs»Craig Cross The Beatles: Day-by-Day, Song-by-Song, Record-by-Record - iUniverse, Inc 2005 ISBN 0-595-34663-4
McCartney har hevda at han skreiv teksten då The Beatles var på turne i Frankrike i 1964, men songen kom ikkje ut før sommaren 1965, og i mellomtida gav The Beatles ut albuma Beatles for Sale og A Hard Day’s Night, som begge kunne ha inneheldt «Yesterday». Truleg kom dette av at McCartney og George Martin ikkje vart samde om arrangementet og at dei andre Beatles-medlemmene ikkje likte songen.
Lennon indikerte òg at songen hadde eksistert i lang tid før dei gav han ut, og at songen ofte dukka opp då dei skulle spele inn nye plater. Dei kom ikkje på ein passande tittel, og hadde det mykje morosamt med tittelen «Scrambled Eggs». Dei var derimot samde om at songen måtte ha ein tittel på berre eitt ord. McCartney sa at gjennombrotet for teksten kom under ei reise til Portugal i mai 1965
Songen vart tilbydd som ein demo til Chris Farlowe før The Beatles spelte han inn, men han avslo tilbodet fordi han meinte songen var «for mjuk»Simon Napier-Bell, Black Vinyl, White Powder, 100.
Innspeling To dagar etter at McCartney kom heim frå Portugal vart songen spelt inn ved Abbey Road Studios den 14. og 17. juni 1965. Det har vore omstridd korleis songen vart spelt inn. Den mest siterte er at McCartney spelte songen inn aleine utan å bry seg med å involvere dei andre medlemmene. Andre kjelder hevdar at McCartney og dei andre medlemmene prøvde forskjellige instrument, som trommer, orgel og at George Martin seinare overtalde dei til å la McCartney spele han aleine og så seinare legge på ein strykekvartett. Uansett kva som skjedde var ikkje dei tre andre bandmedlemmene med på songen.
McCartney spelte inn songen på to forsøk den 14. juni 1965. Det andre forsøket vart rekna som det beste og nytta som master. Ein strykekvartett vart spelt inn nokre dagar seinare og lagt oppå McCartney sitt opptak.
Utgjeving Sjølv om McCartney hadde lagt sin elsk på songen var det mykje verre å overtale dei andre til å få songen med på eit album. Hovudårsaka til dette vart at songen ikkje passa inn med imaget Beatles hadde på denne tida, særleg med tanke på at «Yesterday» var særs ulike dei andre Beatles-songane. Denne kjensla var så sterk at Lennon, Harrison og Ringo Starr nekta å la songen kome på singel i Storbritannia. Matt Monro spelte inn songen alt i 1965 og tok han inn på Topp 10 i Storbritannia hausten 1965.
I USA vart derimot songen gjeve ut med «Act Naturally» som B-side. Singelen gjekk inn på salslista 29. september 1964 og toppa lista ein heil månad, og selde ein million eksemplar på berre fem veker. «Yesterday» var den mest spelte songen på amerikansk radio i åtte år på rad.
I Noreg låg songen 15 veker inne på Topp 10, fem av dei på førsteplass og heile 12 av dei på dei to øvste plassane.VG-lista
Ti år seinare vart «Yesterday» gjeve ut på singel i Storbritannia med «I Should Have Known Better» som B-side. Han gjekk inn på singellista, men gjekk aldri høgare enn 8. plass.
Kjelder
Denne artikkelen bygger på «Yesterday (song)» frå , den 11. oktober 2008. oppgav desse kjeldene:
Andre kjelder
Bakgrunnsstoff The Beatles Bible: Yesterday
Kategori:The Beatles-songar Kategori:Singlar frå 1965 Kategori:Songar frå 1965 Kategori:Songar på toppen av VG-lista Kategori:Songar produserte av George Martin Kategori:Sentimentale kjærleikssongar 013 072 Kategori:Marianne Faithfull-songar Kategori:Jan & Dean-songar Kategori:Mary Wells-songar Kategori:James Last-songar Kategori:Al Caiola-songar Kategori:Cilla Black-songar Kategori:Sarah Vaughan-songar Kategori:Barry McGuire-songar Kategori:The Lettermen-songar Kategori:The Supremes-songar Kategori:Brenda Lee-songar Kategori:Pat Boone-songar Kategori:Bobby Goldsboro-songar Kategori:Chris Farlowe-songar Kategori:Nancy Wilson-songar Kategori:Trini Lopez-songar Kategori:Willie Nelson-songar Kategori:The Seekers-songar Kategori:John Denver-songar Kategori:Patti LaBelle-songar Kategori:Johnny Mathis-songar Kategori:Count Basie-songar Kategori:Andy Williams-songar Kategori:Perry Como-songar Kategori:Jack Jones-songar Kategori:The Beau Brummels-songar Kategori:Lou Rawls-songar Kategori:The Sandpipers-songar Kategori:Henry Mancini-songar Kategori:The Ventures-songar Kategori:Tom Jones-songar Kategori:Jerry Butler-songar Kategori:Ray Conniff-songar Kategori:Ray Charles-songar Kategori:Carla Thomas-songar Kategori:Joan Baez-songar Kategori:Ray Price-songar Kategori:Tennessee Ernie Ford-songar Kategori:Marty Robbins-songar Kategori:Tammy Wynette-songar Kategori:Smokey Robinson-songar Kategori:P.P. Arnold-songar Kategori:Gladys Knight & the Pips-songar Kategori:Wes Montgomery-songar Kategori:The Walker Brothers-songar Kategori:Al Martino-songar Kategori:Frank Sinatra-songar Kategori:The Bar-Kays-songar Kategori:The Impressions-songar Kategori:Marvin Gaye-songar Kategori:Elvis Presley-songar Kategori:Dionne Warwick-songar Kategori:The Dillards-songar Kategori:José Feliciano-songar Kategori:Vera Lynn-songar Kategori:Dr. John-songar Kategori:Wings-songar Kategori:Johnnie Ray-songar Kategori:Benny Goodman-songar Kategori:P.J. Proby-songar Kategori:Placido Domingo-songar Kategori:Paul McCartney-songar Kategori:Nana Mouskouri-songar Kategori:Merle Haggard-songar Kategori:Shirley Bassey-songar Kategori:En Vogue-songar Kategori:Michael Bolton-songar Kategori:LeAnn Rimes-songar Kategori:Boyz II Men-songar Kategori:Wet Wet Wet-songar Kategori:Eva Cassidy-songar Kategori:Judy Collins-songar Kategori:Neil Diamond-songar Kategori:Roberta Flack-songar Kategori:Karel Gott-songar Kategori:Floyd Cramer-songar Kategori:Charlie Byrd-songar Kategori:Mantovani-songar Kategori:Al Hirt-songar Kategori:Herbie Mann-songar Kategori:Chet Atkins-songar Kategori:Percy Faith-songar Kategori:Nelson Riddle-songar Kategori:Richard Clayderman-songar Kategori:Charlie McCoy-songar Kategori:Songar om tid Kategori:Ferrante & Teicher-songar Kategori:Santo & Johnny-songar Kategori:Molly Hatchet-songar Kategori:Songar om nostalgi