Velizj (russisk Велиж) er ein by i Smolensk oblast i Russland med om lag 6 000 innbyggjarar. Han ligg på venstre breidda av elva Daugava, 110 km nordvest for Smolensk.
På slutten av 1300-talet var byen ei grensefestning for Storhertugdømet Litauen. Russarane tok byen tilbake i 1536, men han hamna igjen under Litauen etter urotida i Russland. Byen vart returnert til Russland under den første delinga av Polen. Store delar av byen vart øydelagd under den andre verdskrigen.
Husa til geografen Nikolaj Przjevalskij og generalen Aleksandr Rodzjanko i nærleiken av Velizj er opna for ålmenta som museum.
Kjelder
Bakgrunnsstoff
Kategori:Busetnader grunnlagde i 1536