Fanastøl behandlingshjem var ein tidlegare behandlingsheim for barn og unge med psykiske lidingar i Fana i Bergen kommune i Hordaland.
Heimen opna i 1964 av Bergen Røde Kors Barnehjelp. I 1992 tok Hordaland fylkeskommune over institusjonen, som då hadde åtte plassar. Institusjonen vart nedlagd i 2000.
I same bygningskompleks, teikna av arkitekt Einar Vaardal-Lunde, hadde institusjonen ein eigen skule, Fanastøl skole. Bergen Røde Kors selde bygget i 2007 til Rolf Kobbeltvedt, og i dag held Stiftelsen Fanastøl til i bygningane.
Kjelder
Bakgrunnsstoff Fanastøl behandlingshjem i oppslagsverket oVe, artikkel av Birgit Stølen, Bergen Byarkiv. Bergen byleksikon på nett om Fanastøl behandlingshjem
Kategori:Fana Kategori:Skipingar i 1964 Kategori:Nedleggingar i 2000 Kategori:Sjukeheimar i Bergen