Søren Tobias Årstad () var ein norsk jurist, stortingsrepresentant og statsråd frå Stavanger.
Årstad var son av ein kjøpmann i Stavanger. Han vart student i 1879 og tok juridisk embetseksamen i 1885. Same året slo han seg ned i heimbyen som overrettssakførar.
Årstad var ordførar i Stavanger 1891-92. Perioden 1898-1900 var han stortingsmann for Venstre som 1. representant frå Stavanger og Haugesund. Han var formann i konstitusjonskomiteen og medlem av Lagtinget. Seinare, 1913-15, var han atter stortingsmann, då som representant for einmannskrinsen Holmen krins i Stavanger. Stortingspresident i 1913, formann i reguleringskomiteen, sekretær i fullmaktskomiteen og nestformann i valkomiteen, samt medlem av Lagtinget.
Årstad var statsråd i den andre Steen-regjeringa frå 1900 til 1903, fyrst som finansminister, deretter ved statsrådsavdelinga i Stockholm, og til sist som justisminister.
Frå 1903 til 1926 var han sorenskrivar i Ryfylke.
Årstad døydde i Stavanger 1928.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingspresidentar Kategori:Norske statsrådar 1884-1905 Kategori:Norske finansministrar Kategori:Norske justisministrar Kategori:Stortingsrepresentantar 1898-1900 Kategori:Stortingsrepresentantar 1913-1915 Kategori:Stortingsrepresentantar frå Venstre Kategori:Stortingsrepresentantar for Stavanger og Haugesund Kategori:Stortingsrepresentantar for Stavanger Kategori:Ordførarar i Stavanger Kategori:Venstreordførarar i Rogaland Kategori:Norske sorenskrivarar Kategori:Folk frå Stavanger