Marcell Jansen () er ein tysk fotballeiar og tidlegare fotballspelar som lengste tida spela for Hamburg i tysk Bundesliga. Han vart i 2008 ligameister og pokalvinnar i Tyskland med Bayern München. Midtbanespelaren Jansen representerte 2006-10 Tyskland i tre landslagsturneringar.
Karriere Klubbspel Jansen spelte i tysk bundesliga frå 2004 til 2015. Han gjorde etter tur teneste i Borussia Mönchengladbach, Bayern München og Hamburger SV. Dei siste sju sesongane var han Hamburg-spelar. Omframt siger med Borussia i den tyske ligacupen i 2007, var han med å vinne bundesliga og DFB-pokal den eine sesongen, 2007/08, han spelte for FC Bayern.
Landslagsspel Jansen debuterte for Tyskland 3. september 2005 i ein bortekamp mot Slovakia. Han var med i Tyskland si tropp til fotball-VM i 2006, der han fekk spela éin kamp, bronsefinalen mot Portugal. I fotball-EM i 2008 fekk han spela i fem av Tyskland sine seks kampar. I fotball-VM i 2010 spelte han i fire kampar: Tre som innbytar, og frå start av i bronsefinalen mot Uruguay. I bronsefinalen skåra han eitt av Tyskland sine mål. Etter eit fråvere på nærare tre år, deltok Jansen i fire landskampar i 2013. Jansen enda såleis opp med 45 landskampar, han skåra i alt 3 mål.
Merittar VM-bronse: 2006 og 2010 for Tyskland EM-sølv: 2008 for Tyskland Vinnar av bundesligaen: 2008 for Bayern München Vinnar av DFB-pokalen: 2008 for Bayern München
Kjelder
eu-football Denne artikkelen bygger på «Marcell Jansen» frå , den 3. august 2026.
Kategori:Tyske fotballspelarar Kategori:Borussia Mönchengladbach-spelarar Kategori:Bayern München-spelarar Kategori:Hamburg-spelarar