Smørbukk (Hylotelephium maximum) er ei plante i bergknappfamilien. Ho er utbreidd i Europa og Asia. Planta er kring 30 cm høg og har motsette blad som er nokså breie ved grunnen. Blomstrane kan vera gulgrøne eller raude og sit i halvskjerm.
mini|venstre|Underarten fabaria.
Smørbukk blømer kring juli månad på berg og steinete stader, og langs strandkantar. Planta finst i Noreg så langt nord som til Møre.
Fleire kultivarar av planta blir dyrka som hageplanter. Det finst også dyrka kryssingar mellom smørbukk og den nærskylde Hylotelephium spectabile.
Kjelder
Johannes Lid: Norsk-svensk-finsk flora. Det Norske Samlaget, 1985.
Svensk Wikipedia.
Kategori:Viltveksande plantar i Noreg Kategori:Bergknappfamilien Kategori:Hageplantar