Gjevingåsen tunnel er ein jarnbanetunnel mellom Hommelvik og Hell stasjonar på Meråkerbanen.Andreassen, Bjørn Lønnum: «Gevingåsen tunnel: Etterlengtet togtunnel», Byggeindustrien nr. 10-2011 s. 171 Tunnelen blei tatt i bruk 15. august 2011 og offisielt opna 23. august 2011.
Bygginga av tunnelen reduserte reisetida mellom Stjørdal og Trondheim med fire–fem minutt. Kapasiteten på strekninga mellom Hommelvik og Hell blei auka frå 5,4 til 8 tog per time, samtidig som strekninga mellom Hommelvik og Hell stasjonar blei 1 627 meter kortare enn den gamle. Ein annen positiv konsekvens av tunnelen er at ei rasutsett og vedlikehaldstung strekning kunne leggjast ned. Det gamle sporet mellom Muruvik og Hommelvik er fjerna og gjort om til tursti, mens strekninga frå Muruvik i retning Hell er halde på som sidespor.Andreassen, Bjørn Lønnum: «Gevingåsen tunnel: Etterlengtet togtunnel», Byggeindustrien nr. 10-2011 s. 173 Over kulverten i Hommelvik er det anlagt en ny rundkjøring på fylkesveg 950.Andreassen, Bjørn Lønnum: «Gevingåsen tunnel: Etterlengtet togtunnel», Byggeindustrien nr. 10-2011 s. 173
Prosjektet Tunnelen er 4400 meter lang med enkeltspor og totalt blir det lagt 5700 meter nytt spor som følgje av nybygginga. Kostnadsramma er 635 millionar kroner og anlegget vil stå ferdig hausten 2011. Gjennomslaget i tunnelen kom 12. august 2010. Tunnelen vil bli klargjort for framtidig elektrifisering av strekningane mellom Trondheim - Steinkjer og Trondheim - Storlien. Som følgje av drivinga av tunnelen er det tatt ut 400 000 kubikkmeter masse som blir nytta av Avinor i samband med utvidinga av Trondheim lufthamn, Værnes.
Kjelder
Jernbaneverket si prosjektside om Gjevingåsen tunnel
Kategori:Jarnbanetunnelar i Noreg Kategori:Jarnbanestrekningar i Trøndelag Kategori:Tunnelar i Trøndelag Kategori:Samferdsle i Stjørdal Kategori:Samferdsle i Malvik Kategori:Tunnelar opna i 2011 Kategori:2011 i Noreg