Sølfest Hansson Urdahl () var ein norsk gardbrukar, landhandlar, eit mellombod og ein stortingsmann frå Luster i Sogn. Hans Arnesson Urdahl var far hans og Hans Hansson Urdahl bror hans.
Urdahl gjekk underoffisersskulen i Bergen. Deretter var han gardbrukar på Saude i Luster, før han flytta til garden Fagernes i same bygda. Her dreiv han både som landhandlar og gardbrukar før han flytta til Bergen, der han var mellombod.
I si tid i Luster var han ordførar i tolv år, og forlikskommissær i mange år. Han var stortingsmann for Nordre Bergenhus amt i 1857-58, 1862-64. I 1857 var han medlem av desisjonskomiteen, 1862-63 av militærkomiteen medan han på omframstortinget 1864 var medlem av komiteen om korleis avløne hæren.
Urdahl døydde i Bergen i 1878.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske gardbrukarar frå 1800-talet Kategori:Norske kjøpmenn Kategori:Stortingsrepresentantar 1857-1858 Kategori:Stortingsrepresentantar 1862-1864 Kategori:Stortingsrepresentantar for Sogn og Fjordane Kategori:Ordførarar i Luster Kategori:Folk frå Luster