Knut Getz Wold () var ein norsk sosialøkonom som var sentralbanksjef i Noregs Bank frå 1970 til 1985.
Biografi Wold vart utdanna Cand.oecon ved Universitetet i Oslo i 1939, før Ragnar Frisch fekk han tilsett ved Universitetet. Her jobba han i prosjekta til universitetet som omhandla ein strukturoversikt for Noreg, der han jobba med temaa kosthald, levestandard og økonomi, som han òg jobba vidare med ved Stockholms Högskola.
I 1941 flytta han til London, for å jobbe for den norske eksilregjeringa der, i Finansdepartementet. Han jobba i Finansdepartementet òg etter andre verdskrigen, og gjekk i 1948 over Handelsdepartementet, som ekspedisjonssjef, etter ein kort periode i Sosialdepartementet frå 1947. Medan han jobba i Handelsdepartementet jobba han òg mykje internasjonalt; han deltok bl.a i forhandlingane om ein nordisk tollunion på 1950-talet, ein union det rett nok ikkje vart noko av, og landa vart i staden med i EFTA frå 1960. Han var òg medlem av Den europeiske betalingsunionen og etterfølgjaren Den europeiske valutaavtalen (EMA) i til saman 18 år.
I 1958 byrja han i Noregs Bank, som nestsjef under dåverande sentralbanksjef Erik Brofoss. Her leia han bl.a Den pengen- og kredittpolitiske komitéen. Då Brofoss slutta i 1970 var Wold ein naturleg arvtakar, og han vart verande sentralbanksjef fram til 1985.
Utnemningar Kommandør av St. Olavs Orden (1975) Kommandør av Dannebrogordenen Storoffiser av Islands Falkeorden
Kjelder Denne artikkelen bygger på «Knut Getz Wold» frå , den 25. desember 2010.
Bakgrunnsstoff Utdjupande artikkel på Norsk biografisk leksikon (NBL)
Kategori:Norske sosialøkonomar Kategori:Norske sentralbanksjefar Kategori:St. Olavs Orden Kategori:Dannebrogordenen Kategori:Den islandske Falkeorden Kategori:Folk frå Verdal