Marko Marin () er ein bosnisk-tysk tidlegare fotballspelar som i tida 2007-22 gjorde teneste i tolv ulike klubbar. Flest kampar spelte han for Werder Bremen i tysk Bundesliga. Han deltok i 16 landskampar i åra 2008-10. Foreldra hans er bosniske serbarar, og han flytta til Tyskland saman med dei som toåring i 1991. Marin var midtbanespelar.
Landslagsspel Marin hadde lenge både bosnisk og tysk pass, og kunne ha spelt for fotballandslaget til begge landa. I 2008 valde han å spela for Tyskland sitt A-landslag, og sa då frå seg det bosniske passet sitt. Han debuterte for Tyskland sitt A-landslag 27. mai 2008 i ein privatlandskamp heime mot Kviterussland. Han var med i Tyskland sin tropp til fotball-VM i 2010, der han spelte som innbytar i to kampar, gruppekampane mot Serbia og Australia. Marin var med i 16 av Tyskland sine landskampar i ein periode frå mai 2008 til november 2010. I 13 av kampane var han innbytar, også då Tyskland tapte 0-1 mot Noreg i Düsseldorf 11. februar 2009. Marin skåra sitt einaste landslagsmål då Tyskland vann 2-0 over Belgia på heimebane i august 2008.
Merittar VM-bronse: 2010 for Tyskland Vinnar av UEFA-europaligaen: 2014 for Sevilla FC Gresk seriemeister: 2017 for Olympiakos Pireus Serbisk seriemeister: 2019 for Zvezda Beograd Ungarsk seriemeister: 2022 for Ferencváros Ungarsk cupmeister: 2022 for Ferencváros
Kjelder eu-football
Kategori:Tyske fotballspelarar Kategori:Bosniske fotballspelarar Kategori:Borussia Mönchengladbach-spelarar Kategori:Werder Bremen-spelarar