Otto Steen Olsson Holm () var ein lærar, gardbrukar og stortingsmann frå Bindal i Nordland.
Holm var son til ein husmann som seinare vart leiglending. Sjølv var han lærar i heimegrendene 1861-64, gjekk deretter Tromsø seminar. Han tok eksamen i 1866 og var så på ny lærar i Bindal fram til 1883. Tida 1871-83 var han også brukar av garden Holm, som han henta etternamnet sitt frå. I desse åra var han ei tid medlem av heradsstyret og varaordførar.
Frå 1883 var Holm lærar og kyrkjesongar i Evenes, samstundes som dreiv klokkargarden. I Evenes var han ordførar og skulestyreformann, samt medlem av forlikskommisjonen og åstadskommisjonen. I 1892 medlem av «lappekommissionens nordlandske avdeling».
Holm var 2. varamann frå Nordlands amt til Stortinget perioden 1880-82, møtte i 1881 frå 3. mai i staden for Jens Dahl. Han møtte også på omframstortinget 1882, då i staden for Christian Havig. Valbolken 1883-85 var han 1. varamann, møtte då i 1882 frå 11. juli for Dahl, og heile 1885-sesjonen for Sofus Arctander. Dei neste fem periodane, 1886-1900, var han fast representant frå amtet. I 1881 var han medlem av tollkomiteen, året etter av Lagtinget og jarnbanekomiteen. Han var i 1883 medlem av tollkomiteen, frå 1885 var han heile tida medlem av protokollkomiteen.
Tildelt borgardådsmedaljen i sølv.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske gardbrukarar Kategori:Norske lærarar Kategori:Medaljen for borgardåd Kategori:Stortingsrepresentantar 1880-1882 Kategori:Stortingsrepresentantar 1883-1885 Kategori:Stortingsrepresentantar 1886-1888 Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Stortingsrepresentantar for Nordland Kategori:Stortingsrepresentantar frå Venstre Kategori:Ordførarar i Evenes Kategori:Folk frå Bindal Kategori:Folk frå Evenes