Ingebrigt Hallsteinsson Præsthus () var ein norsk lærar, gardbrukar og stortingsmann frå Buvika i Sør-Trøndelag. Han var medlem av Høgre.
Præsthus var son til ein gardbrukar. Han var frå 1866 lærar i Kolvereid, gjekk deretter Klæbu seminar. I 1869 tok han eksamen og heldt fram som lærar. Han vart i 1874 tilsett ved ein privat borgarskule i Fredrikstad. År 1880 fekk han stilling som lærar og kyrkjesongar i Eidsberg. Ti år seinare kjøpte han gard i bygda og vart gardbrukar attåt.
Præsthus vart medlem av formannskapet i 1888 og ordførar i 1890. Perioden 1889-91 var han 1. representant frå Smaalenenes amt på Stortinget. Han var då medlem av justiskomiteen.
I 1891 døydde han på garden Finnestad i Eidsberg, einast to år etter han hadde kjøpte garden.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske lærarar Kategori:Norske gardbrukarar Kategori:Stortingsrepresentantar 1889-1891 Kategori:Stortingsrepresentantar for Østfold Kategori:Stortingsrepresentantar frå Høgre Kategori:Ordførarar i Eidsberg Kategori:Folk frå Skaun