Knut Risan () var ein norsk skodespelar frå Trondheim.
Biografi
Han debuterte på Nationaltheatret i 1956 som «Kasper» i Folk og røvere i Kardemomme by og spelte i 147 ulike roller fram til han pensjonerte seg i 1998. Nokre av dei viktigaste rollene hans var tittelrolla i Tartuffe, «Nils Lykke» i Fru Inger til Østraat, «Rørlund» i Samfundets støtter og «Wangel» i Fruen fra havet. Avskjedsførestillinga hans var Måken av Anton Tsjekhov. Risan hadde også gjesteopptredenar ved Den Norske Opera, Den Nationale Scene og Riksteatret.
Risan hadde fleire roller i Fjernsynsteateret, fyrst og fremst vert han hugsa som «Torvald Helmer» i Et dukkehjem, med Lise Fjeldstad som motspelar i rolla som «Nora». Mange hugsar han også som Edmond Dantes i dramatiseringa av Greven av Monte Cristo tidleg på 1960-talet.
Innanfor musikkteateret spelte han m.a. i Flaggermusen, Den glade enke og Tolvskillingsoperaen. Dessutan hadde han fleire filmroller, t.d. som kongen i Reisen til Julestjernen. Han spelte «Blomsterhandler Rosengren» i barne-TV-serien Jul i Skomakergata frå 1979. Han var også kjent som den norske forteljaren i Tre nøtter til Askepott, der han gav stemme til alle karakterane. Risan jobba i tillegg i fleire år som stemme over programreklamar på TV 2. Med si karakteristiske mørke røyst stod han for den legendariske setninga «-Du tror det ikke før du får se det» i samband med TV-serien X-files.
Risan har også lese inn ei rekke lydbøker. I 1993 mottok han Per Aabels ærespris.
Risan var gift med skodespelarinna Astrid Folstad.
Filmografi 2006 Hotel Cæsar ... Annonsør av neste episode 2003 Nasse Nøff ... Ugle 2001 Forviklinger på gården i to deler ...forteljar 2000 Tigergutt ... Ugle 2000 102 dalmantinere ... Doktor Pavlov 1999 En annerledes jul ...forteljar 1998 Mulan ... General Li 1998 Skraphandlerne kommer tilbake ...forteljar 1997 Den lille traktoren Gråtass ...forteljar 1993 Tommelise 1991 Sirre Strikk og Padde Ball på nye eventyr 1990 Bernard og Bianca i Australia ... Kengeru 1989 Den lille havfruen ... Kong Tritan 1988 Lille søster kanin + Sirre Strikk og Padde Ball 1986 Mesterdetektiven Basil Mus ... Basil Mus 1985 Taran og den sorte gryte ... Dallben 1981 To gode venner - Todd & Copper ... Todd 1979 Jul i Skomakergata ... Blomsterhandler Rosengren 1977 Bernard og Bianca ... Snoops 1976 Reisen til Julestjernen ... Kongen 1973 Tre nøtter til Askepott ...forteljar (voiceover) 1973 Robin Hood 1973 Et dukkehjem (TV) ... Torvald Helmer 1961 Sønner av Norge 1960 Venner ... Journalist i butikken 1937 Snehvit og de syv dvergene (orig. Snow White and the Seven Dwarfs)
Kjelde
Artikkelen er omsett frå bokmålswikipedia den 20. februar 2011.
Bakgrunnsstoff Diskografi frå Filfront.no Knut Risan på IMDB.
kategori:Norske skodespelarar kategori:Folk frå Trondheim