mini|Cabernet sauvignon-druer
Cabernet sauvignon er ei blå vindrue som blir dyrka i mange land og brukt i ei rekkje omtykte raudvinar.
Drua stammar frå Bordeaux i Frankrike, men blir i dag dyrka over heile verda, som i California, Chile, Australia, Aust- og Sør-Europa. I franske vinar blir ho ofte blanda med andre druetypar, som cabernet franc eller merlot. I nyare vinområde blir drua mogen nok til at ho kan brukast åleine.
Cabernet sauvignon gjev ein lettkjenneleg vinsmak som er solbæraktig og prega av krydder og urter. Vinen er fyldig med høgt garvesyreinnhald. Drua kan også brukast til å laga aromatisk rosévin.
Kjelder
Kategori:Vindruer