«Get It On» er ein song av den britiske glamrockgruppa T. Rex frå albumet Electric Warrior i 1971. Han var skriven av frontmannen Marc Bolan og vart den andre førsteplassen T. Rex klarte i Storbritannia. I Noreg nådde songen sjetteplassen på VG-lista. I USA vart songen omdøypt til «Bang a Gong (Get It On)» for at han ikkje skulle forvekslast med ein annan song med same namn av Chase. Songen er kanskje den mest kjende av T. Rex.
B-sida til singelen var «Raw Ramp».
Historie Bolan hevdar å ha skrive songen ut av eit ønske om å spele inn Chuck Berry sin «Little Queenie», og sa at riffet er henta frå Berry-songen. Faktisk vert ei linje, And meanwhile, I'm still thinking, frå «Little Queenie» sagt medan «Get It On» tonar ut.Paytress, Mark, "Bolan: The Rise And Fall Of The 20th Century Superstar", s. 182, Omnibus Press (2003), ISBN 978-0711992931
Dette var songen som meir eller mindre enda den ein gong så gode venskapen mellom Bolan og John Peel, etter at Peel omtalte mangelen sin på entusiasme for songen på lufta etter å ha fått ei tidleg utgåve av singelen. Bolan og Peel snakka berre i lag ein gong etter dette før Bolan døydde i 1977.Paytress, Ibid., s. 182-83, Peel, John, Margrave of the Marshes, s.236, 238-9, Bantam Press (2005), ISBN 978-0593052525
Under ei framføring på Top of the Pops, spelte Elton John piano på songen. Pianoet på plata vart spelt av Rick Wakeman. Wakeman var i desperat pengemangel på denne tida og trefte tilfeldigvis Bolan på gata og spurte om han kunne få spele med han. Wakeman påpeikte for Tony Visconti at songen eigentleg ikkje trengde ein pianist. Visconti foreslo at han kunne lage ein glissando. Wakeman sa at Visonti kunne klare det sjølv, då Bolan svarte, «du vil ha pengar til husleiga di, vil du ikkje». Wakeman tente 9 pund på innspelinga.
I mars 2005 plasserte Q magazine «Get It On» på 36. plass på lista si over dei 100 beste gitarsongane gjennom tidene.
Medverkande Marc Bolan: solovokal, gitar Rick Wakeman: piano og Hammondorgel Ian McDonald: baryton og altsaksofon Steve Currie: bassgitar Bill Legend: trommer, tamburin Mark Volman og Howard Kaylan: korvokal
Salslister
Vekeslister Liste (1971–72)PlasseringUK Singles Chart1Australian Singles Chart14Kanadiske RPM Top Singles12Tyske GfK-lista3Nederlandsk Topp 4015Irish Singles Chart1Norske VG-lista6Den sveitsiske singellista3US Billboard Hot 10010US Cash Box Top 10012
Årslister Liste (1971)PlasseringAustralia89UK 11 Liste (1972)PlasseringUS Billboard Hot 10056US Cash Box58
Salstrofé
The Power Station-versjonen
«Get It On» vart spelt av The Power Station i 1985. Versjonen deira - kalla «Get It On (Bang a Gong)» i USA – vart gjeven ut som den andre singelen frå debutalbumet deira. Songen gjorde det godt i USA og nådde niandeplassen på Billboard Hot 100 sommaren 1985. I Storbritannia nådde songen 22. plassen på UK Singles Chart. Då Robert Palmer høyrde at andre Power Station-medlemmar hadde spelt inn ein demo av songen, spurte han om han kunne få prøve å syngje vokal på songen. Bandet fekk så Palmer til å syngje på heile albumet. Singelen vart ein av signaturlåtane til bandet.
Salslister Liste (1985)PlasseringAustralia (Kent Music Report)8US Billboard Hot 1009US Billboard Top Rock Tracks19US Billboard Hot Dance Music/Maxi-Singles Sales47Irish Singles Chart12UK Singles Chart22
Andre versjonar
Andre band som har spelt songen er Top of the Poppers, Blondie, Witch Queen, Aerosmith-gitarist Joe Perry, The Boomtang Boys, Los Bunkers, Ministry, Cinema Bizarre, Porno Graffitti og Carlos Santana.
Sampling og referanse Den britiske dance-gruppa Bus Stop (i USA kalla «London Bus Stop») sampla vokalen frå T. Rex-originalen på deira delvis cover av songen i 2000. Denne nådde 59. plassen i Storbritannia.
I media Songen er nytta i mange filmar, som The Stoned Age (1994), Blue Juice (1995), Billy Elliot (2000), The Trip (2002), Meet the Fockers (2004), Flying Boys (2004), Jarhead (2005), The Bank Job (2008) og Barney's Version (2010). Songen er spelbar i videospelet Rock Band.
Kjelder
Denne artikkelen bygger på «Get It On (T. Rex song)» frå , den 30. mars 2011. oppgav desse kjeldene:
Kategori:Songar frå 1971 Kategori:Singlar frå 1971 Kategori:Singlar frå 1979 Kategori:Singlar frå 1985 Kategori:T. Rex-songar Kategori:Songar skrivne av Marc Bolan Kategori:Songar produserte av Tony Visconti Kategori:Songar produserte av Bernard Edwards Kategori:Nummer-ein-singlar i Storbritannia Kategori:Nummer-ein-singlar i Irland Kategori:The Power Station-songar Kategori:Fly Records-singlar Kategori:Reprise Records-singlar Kategori:Parlophone-singlar Kategori:James Last-songar Kategori:Frankie Goes to Hollywood-songar Kategori:The Damned-songar Kategori:Gary Glitter-songar Kategori:Blondie-songar Kategori:Boy George-songar Kategori:Edwyn Collins-songar Kategori:Santana-songar Kategori:Manfred Mann-songar Kategori:Culture Club-songar Kategori:U2-songar Kategori:Elton John-songar