Savoy er ei musikkgruppe som vart starta opp av ekteparet Paul Waaktaar-Savoy (frå A-ha) og Lauren Waaktaar-Savoy og Frode Unneland rundt 1994. På denne tida hadde A-ha ein pause som skulle vara fram til år 2000.
Savoy debuterte med plata Mary Is Coming i 1996, som m.a. inneheldt songen Velvet. Denne vart seinare gjeven ut av A-ha på plata Minor Earth, Major Sky, som kom ut etter gjenforeininga deira. Mary Is Coming selde til gull i Noreg, dvs. over 15,000 selde eksemplar.
Neste plate, Lackluster Me kom ut allereie i 1997, før Mountains of Time kom i 1999. Savoy vann Spellemannprisen 1999 i klassa popgruppe for denne. Det gjekk ikkje dårlegare med neste plate, Reason to Stay Indoors frå 2001 som vann Spellemannprisen 2001 i same klasse. Plate nummer fem, Savoy frå 2004, inneheldt m.a. duetten Whalebone som vart brukt som filmmusikk i Hawaii, Oslo.
Savoy er så langt det siste studioalbumet til gruppa. I 2007 gav dei ut ei samleplate som fekk tittelen Savoy Songbook Vol. 1, med tre nye songar og sju nyinnspelingar.
Diskografi
Mary Is Coming (1996) Lackluster Me (1997) Mountains of Time (1999) Reason to Stay Indoors (2001) Savoy (2004) Savoy Songbook Vol. 1 (2007)
Kjelder
Denne artikkelen bygger på «Kjetil Bjerkestrand» frå , den 9. april 2011.
Bakgrunnsstoff
Savoy på Myspace. Rockman om Paul Waaktaar-Savoy og gruppa Profil på Groove.no Dagsavisen, 09.05.07: Fra sangboka til Savoy Anmelding av plata Savoy på Puls.no
Savoy Savoy Savoy Savoy