Tom Erik Heir Nordberg () er ein norsk fotballspelar som hausten 2011 spelar som midtstopper for Rosenborg.
Nordberg starta karrieren sin i moderklubben Vuku Idrettslag og debuterte allereie i 2003 for Vuku sitt A-lag. Grunna fysioterapistudiar flytta Nordberg til Nederland og skulelaget Sparta Enschede i ein lågare nederlandsk divisjon. Mens han var heime i Noreg grunna opphald i studiane, hospiterte han for den tidlegare klubben sin. Etter ein slik kamp måtte Nordberg fraktast til St. Olavs hospital for operasjon av ansiktet, der han hadde fått brot grunna ein duell med ein motspelar.
Då studiane i Nederland var ferdige ein gong for alle, blei Nordberg haustsesongen 2007 lånt ut til Levanger, og han fekk permanent kontrakt med klubben neste sesong. Då kontrakten med Levanger gjekk ut, valde Nordberg å melde overgang til den ferske Adeccoligaklubben Ranheim. Der gjorde han sakene sine så bra at Rosenborg blei interessert. Han signerte for Rosenborg Ballklub 6. august 2010, med lengd til 31. desember 2011. Han blei straks lånt ut til Ranheim ut 2010-sesongen. Vårsesongen 2011, ut juli månad, var han på lån hjå Haugesund i Tippeligaen, der han spelte fast på laget."Nordberg tilbake til Rosenborg" frå FK Haugesund sine nettsider.
Sommaren 2009 var Nordberg på tredagars treningsopphald med den engelske Championship-klubben Derby County.
Kjelder Denne artikkelen begynte med ei omsetjing frå bokmålswikipediaen 15. april 2011.
Referansar
Bakgrunnsstoff Spelarprofil på RBK.no Spelarstatistikk på altomfotball.no Spelarstatistikk på NIFS.no
Kategori:Norske fotballspelarar Kategori:Haugesund-spelarar Kategori:Rosenborg-spelarar Kategori:Ranheim-spelarar Kategori:Folk frå Levanger