Hinnøya (nordsamisk Iinnasuolu) er den største øya i Noreg (2204,7 km², av det 1410,7 km² i Nordland og 1218,5 km² i Troms) utanom Svalbard, og er delt mellom kommunane Andøy, Hadsel, Lødingen, Sortland og Vågan i Nordland og Harstad, Kvæfjord og Tjeldsund i Troms.
Byen Harstad og tettstadane Lødingen, Borkenes og Sigerfjord ligg på øya. mini|venstre|Søraust på Hinnøya, nord for Lødingen; i april 2006.
Hinnøya har mange fjordar og består hovudsakleg av kupert og fjellendt terreng. Særleg gjeld dette den sørlege delen av øya der Møysalen nasjonalpark ligg, inkludert det høgaste fjellet på øya, Møysalen med 1262 meter over havet. Det beste jordbruksområdet ligg i nordaust i kommunane Harstad og Kvæfjord. Dei største fjordane på øya er Øksfjorden og Gullesfjorden, som nesten deler øya i to. Ho grensar òg til dei store fjordane Andfjorden i nord, Vågsfjorden i nordaust og Vestfjorden i sør.
Vegsamband Hinnøya er knytt til fastlandet med Tjeldsundbrua (1005 m) som strekkjer seg over Tjeldsundet langs etter Kong Olavs veg. Hinnøya er også knytt til Langøya med Sortlandsbrua og til Andøya med Andøybrua. Lofast, det ferjefrie vegsambandet til Lofoten, vart offisielt opna 1. desember 2007. Sambandet er ein del av E10 som går svært nær Møysalen nasjonalpark.
mini|venstre|Forfjorddalen nordvest på Hinnøya i Andøy kommune.
Fotnotar
Kjelder Delar av denne artikkelen bygger på «Hinnøya» frå , den 5. april 2008.
Bakgrunnsstoff
Dyreliv på Hinnøya
Kategori:Øyar i Nordland Kategori:Øyar i Troms Kategori:Geografi i Andøy Kategori:Geografi i Hadsel Kategori:Geografi i Lødingen Kategori:Geografi i Sortland Kategori:Geografi i Tjeldsund Kategori:Geografi i Vågan Kategori:Øyar i Harstad Kategori:Øyar i Kvæfjord Kategori:Vesterålen Kategori:Lofoten