Fimbulisen er ein stor isbrem ved kysten av Dronning Maud Land i Antarktis. Han er omtrent 41 000 km² i utstrekking og ligg på den austre delen Kronprinsesse Märtha Kyst frå 3° vest til 3° aust. Fimbulisen får næring frå isbreen Jutulstraumen, liggjande mellom Maudheimvidda og Fimbulheimen.
Isbremmen vart flyfotografert under den tyske antarktisekspedisjonen 1938–39 og kartlagt av norske kartografar basert på undersøkingar og flyfotografering frå Maudheimekspedisjonen 1949–1952 og Den norske antarktisekspedisjonen 1956–60. mini|venstre|Dei største isbremmane i Antarktis. Den norske forskingsstasjonen Norway Station vart oppført her i samband med det internasjonale geofysiske året 1957/58. Stasjonen vart overteke av Sør-Afrika i 1959 og omdøypt til SANAE (South African National Antarctic Expedition). Denne basen har vorte erstatta av nye basar to gonger, SANAE II og SANAE III. SANAE III vart stengt for vinterbemanning i 1994 fordi han over åra hadde vorte gravlagd under store mengder snø. Den noverande sørafrikanske forskingsstasjonen, SANAE IV, vart flytta kring 200 km inn på kontinentet.
Kjelder Denne artikkelen bygger på «Fimbulisen» frå , den 7. september 2011.
Bakgrunnsstoff Fimbulisen - fra topp til tå Norsk Polarinstitutt Composite Gazetteer of Antarctia. Den vitenskapelige komite for antarktisforskning (SCAR)
Kategori:Isbremmar i Antarktis Kategori:Geografi i Dronning Maud Land Kategori:Kronprinsesse Märtha Kyst