Nordtrafikk er eit transportselskap som driv gods- og ambulansetransport i Nordland og Finnmark. Selskapet har hovudkontor på Sortland. Nordtrafikk dreiv tidlegare også buss-, ferje- og lokalbåttrafikk, men denne delen av selskapet (Nordtrafikk Buss og Nordtrafikk Maritim) blei i oktober 2006 kjøpt opp av Veolia Transport.
Veolia har bestemt at bussdrifta i Nordland skal drivast under namnet Vestfjord Buss, medan bussdrifta i Troms skal drivast under namnet Hålogaland Buss. Den maritime delen av selskapet i Nordland skal drivast under namnet Helgelandske, eit transportselskap som blei kjøpt opp av Veolia i 2005.Vesterålen Online: Nordtrafikk blir "Vestfjord buss"
Nordtrafikk-konsernet består i dag av følgjande dotterselskap: Nordtrafikk Ambulanse AS, Nordtrafikk Ambulanse Finnmark AS, Nordtrafikk Gods AS og Nordtrafikk Gods Lofoten AS.
Nordtrafikk blei skipa i 1936 under namnet A/L Langøya Biltrafikk. Seinare skifta selskapet namn til Vesterålens Trafikklag AS. I 1988 fekk morselskapet namnet Nordtrafikk AS.
Leiing Ole Lund Riber var konsernsjef fra 1987 til selskapet vart seld. Før 1987 var Ole Lund Riber soussjef i Nordtrafikks forgjengar Vesterålen Trafikklag.
Bedriftsovertakingar 1990: Boldevins Bilruter AS, Nordland (buss- og godstrafikk) 1996: Harstad Oppland Rutebil AS, Troms (busstrafikk) 1997: Nordland Ambulanse AS, Nordland (ambulansetrafikk) 1999: AS Lofoten Trafikklag, Nordland (buss-, ferje- og godstrafikk) 2000: TB-Invest AS / Trysilbussen AS, Hedmark (buss- og godstrafikk) 2001: Ambunor AS, Finnmark (ambulansetrafikk)
Kjelder
Bakgrunnsstoff
Ole Lund Riber si nettside
Kategori:Samferdsle i Sortland Kategori:Næringsliv i Sortland Kategori:Kollektivtransport i Noreg Kategori:Norske busselskap Kategori:Norske transportselskap Kategori:Skipingar i 1936 Kategori:Samferdsle i Finnmark Kategori:Norske ambulansetenester