Alessandro Nesta () er ein italiensk fotballspelar frå Roma. Nesta har spela for dei italienske klubbane SS Lazio og AC Milan. I 2006 var han med å vinne verdsmeisterskapen i fotball. Han spela då sin 78. og siste landskamp for Italia. To gongar vann han Meisterligaen med AC Milan og ein gong Cupvinnarcupen med Lazio. Dessutan har han vore med å vinne tre italienske sereiemeisterskap og tre italienske cupmeisterskap. I alle år var Nesta midtstoppar.
Klubbspel Nesta debuterte for Lazio i Serie A den 13. mars 1994, i ein kamp mot Udinese. Fram til 2002 spela han 193 kampar og skåra eitt mål for Lazio. Sommaren 2002 gjekk han til AC Milan og spela for den klubben i ti sesongar. Gjennom dei ti åra skåra han sju gongar på 222 kampar.
Landslagsspel Nesta debuterte for Italia mot Moldova 5. oktober 1996. Under EM i fotball 2000 var han med då Italia tapte finalen 2-1 for Frankrike, det avgjerande målet kom i ekstraomgangane. I si siste store meisterskapsturnering, VM i fotball 2006, vart han verdsmeister då Italia vann straffeskytinga over Frankrike, etter ein kamp som enda 1-1. Han spela då sin 78. og siste landskamp, utan nokon gong å han skåra eit landslagsmål.
Meistertitlar og medaljar VM-gull 2006 for Italia EM-sølv 2000 for Italia Vinnar av Meisterligaen 2003 og 2007 med AC Milan Vinnar av Cupvinnarcupen 1999 med SS Lazio Italiensk seriemeister med SS Lazio 2000 og AC Milan 2004 og 2011 Vinnar av den italienske fotballcupen med SS Lazio 1998, 2000 og med AC Milan 2003
Kjelder Denne artikkelen bygger på «Alessandro Nesta» frå , den 14. juni 2012.
Bakgrunnsstoff
Kategori:Italienske fotballspelarar Kategori:Lazio-spelarar Kategori:Milan-spelarar Kategori:Italienske deltakarar under sommar-OL 1996 Kategori:Fotballspelarar under sommar-OL 1996 Kategori:Spelarar i Fotball-EM 1996 Kategori:Spelarar i Fotball-VM 1998 Kategori:Spelarar i Fotball-EM 2000 Kategori:Spelarar i Fotball-VM 2002 Kategori:Spelarar i Fotball-EM 2004 Kategori:Spelarar i Fotball-VM 2006